02 August 2014
09:02 - Малайзия учоғининг уриб туширилишидан таъсирланиш холва экан, Dow Jones индекси ўзи йўқ нарсадан қўрқиб сўнги ҳафтада 500 поғанага шўнғиди
18 июль куни Донбасс устида Малайзия йўловчи учоғи уриб туширилгандан кейин, бу пайтда Нью-Йоркда пешин соатлари эди, қолган ярим кунда Dow Jones индекси 170 поғанага тушиб кетгани, эртасига ўзини тиклаб олганини хабар қилган эдик.

Ўтган ҳафта фондлар бозорида арзимас оддий зиг-заглар билан 17 мингнинг устида бўлиб турди, аммо, охирги иш куни кеча битган жорийдаги ҳафтада 298 йўловчиси бўлган Малайзия учоғининг тушиши каби даҳшатли воқеа бўлмаса ҳам, бир ҳафта ичида Dow Jones тахминан 500 поғанага шўнғиди ва кеча кечқурун 16493 да тўхтади.

Фондлар бозори мутахассисларининг айтишича, ҳамма нарса АҚШда июль ойида тахмин қилинганидан камроқ иш ери яратилгани маълум бўла бошлагандан кейин ўртага чиқди. Ҳамманинг умиди - ўтган ойдан ҳам кўпроқ иш ерлари яратилса, АҚШда Марказий Банк вазифасини бажарувчи Федерал Резерв йил охирида кўтаришни режалаштираётган процент ставкасини ҳозироқ кўтаришида эди. Аммо, иш ерлари камроқ яратилгани учун Федерал Резерв процент ставкасини вақтлироқ оширмаслиги аниқлашди. Процент ставкасининг оширилмаслиги, яъни қарза бериладиган пул учон олинадиган процентлар ошмаслиги иқтисоддаги заифликнинг кўрсатгичидир.

Вақти келгани учун айтиш керакки, иқтисод нималигини ҳам билмайдиган Ислом Карим каби одамгина Ўзбекистонда процент ставкаси пасайтирилганини билан мағрурланади.

Шу сабабли, авваллари ҳам кўп марта такрорлаган фикримизни яна қайтарамиз.

АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмадиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар АҚШда ҳам ош ейиш ва Ўзбекистонга пул юборишдан ташқари, бу ерда пул йиғиб, кичкина бўлса ҳам ўз бизнесларини очиш устида ўйласалар фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, Американи ҳам мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »