18 July 2014
21:29 - Бош прокуратура Фуҳуша ва унинг командаси иши борасида нимага шаъма қилди?
Бугун Ўзбекистон Республикаси Бош прокуратураси Гулнора Каримнинг шериклари Гаяне Авакян ва Рустам Мадумаровларнинг узоқ муддатли қамоқ жазосига ҳукм қилингани ҳақида расмий баёнот берди. Бош прокуратуранинг 4 қатролик узуғ-юлуқ баёнотига кўра, Ўзбекистон Республикаси Ҳарбий суди Авакян, Мадумаров ва яна 11 нафар шахсни шу йилнинг 24 майида узоқ муддатли қамоқ жзоларига ҳукм қилган эмиш.

Аввал БББСга таяниб, суд маҳкамасининг жиноят ишлари бўйича Тошкент вилояти судида ўтгани ҳақида хабар қилгандик. Кўриниб турибдики, бу ўриндаги маълумотларда жузъий янглишлар бор.
Бош прокуратура баёнотида мазкур жиноят ишининг бир қисми алоҳида иш юритувига олингани, бу иш бўйича тергов бераётган шахслардан муносиб хулқ-атворда бўлиш ҳақида тилхат олингани айтилади. Тахмин қилиш мумкинки, шаъма қилинаётган шахсларнинг бири Гулнора Карим бўлса керак.
« Олдинги хабар Хабарлар рўйхати Кейинги хабар »