Сўнгги кунларда давом этаётган Исроилнинг ХАМАСга қарши аввал ҳаводан, кейин ердан ҳам бошланган операциялари натижасида 251 нафар филистинли ва 2 исроилли ўлдирилди. Филистинликларнинг кўпчилиги тинч аҳолидан эканлиги, исроилликлардан бирининг аскар, иккинчиси тинч аҳоли вакили эканлиги айтилмоқда. Расмий баёнотларга кўра, Исроилнинг ердан бошланган операциясининг мақсади - ХАМАС жангариларини ва Ғазодан Исроилга қазилган тунелларни йўқ қилиш.

Туркия матбуоти Исроил ХАМАС жангариларнинг қаттиқ қаршилиги натижасида ердан операцияни тўхтатганини билдирди. Аммо, бу хабар ҳали амалда тасдиқлангани йўқ. Исроилнинг ҳам ҳаводан, ҳам ердан ҳужумлари давом этмоқда.

Reuters агентлигиниг сайтидан олинган расмда - Исроил ракеталарининг Ғозога учиши.