Бугун, 11 июлда пойтахтдаги супермаркетлар, дўконлар пештахтасига шакар чиқди. Шакарнинг чакана нархи 3000-3200 сўм атрофида. Бир неча кун аввал бу маҳсулот учун бир кунлик навбатда турган, бир кунлик сабри эвазига 5 килограмм шакар харид қилаётган тошкентликлар энди бу маҳсулотга ўгирилиб ҳам қарашмаяпти. Ҳолбуки, бозорда шакар нархи 9000 сўмгача кўтарилган, одамлар орасида энди мамлакатга бу маҳсулотнинг кирмаслиги ҳақида узунқулоқ миш-мишлар болалаганди.

Шу ўринда тақчиллик ва унинг ортидан келадиган вазият борсида ўйларкансан, ўзбеклар зеҳнияти, менталитетдаги айрим қусурлар кўз олдингизга келади, дейди шакара васвасасини кузатган мухбиримиз. Шакар дефицитга айланган кунлари ҳатто айрим шахслар йўлини қилиб, қоплаб шакар олишди ва бу шакар энди омборларда турибди. Ўзбеклар ўзи шунақами ёки орадан ўтган 10 кунда маҳсулотга талаб ортдими?

Бу саволга жавоб бериш учун жуда осон, деб давом этади мухбиримиз. Жавоб ўзбек миллатининг табиатида. Ўз миллатдошлар қирғиз фашистлари тарафидан тириклайин ёқилганда, 3 кунда 300 ўзбек ваҳшийларча ўлдирилганда қисиб ўтирган ўзбеклар шакар ваҳимасида ҳамма нарсага тайёрлар. Шу сабабдан, ўзбенинг дарди фақатгина ош ейиш ва туалетга боришдир, демоқчимиз-да.

Шу мавзуга оид ёшлар билмайдиган бир воқеани эски бирликчилар айтиб беришди. Қайта-қуриш йилларининг охирида, яъни мустақиллик арафасида, СССРда иқтисодий аҳвол ёмонлашиб бораётгани туфайли бўлса керак, Ўзбекистонда очлик бошланиши мумкин деган ваҳимали гаплар тарқалди. Ўшанда “Бирлик” лидери Абдураҳим Пўлат норасмий равийшда чиқариладиган “Бирлик” хабарномасига интервью берган ва Ўзбекистонда ҳеч қачон очлик бўлмаслигини айтган, ўзбекларнинг муаммоси очлик муаммоси эмаслигини урғулаган эди. Ҳозир шакар масаласида ваҳимага тушмасдан, Абдураҳим Пўлатдан маслаҳат сўраш керак эди.

Ҳа, кўринишидан, ўзбеклар ҳали ҳам ўша-ўша, ибтидоий аҳволда.