Ҳа, Украина Президенти Петр Порошенко эртага Европа Иттифоқи билан бу ташкилотга ассоциатив аъзо бўлиш шартномасини имзолайди. Аслида, асоциатив аъзо тушунчаси Европа Иттифоқининг Уставида бўлмаса ҳам, эртага имзоланадиган ҳужжат муҳим аҳамиятга эгадир. Биринчидан, ассоциатив аъзо бўлиш ЕИнинг эркин савдо зонасига кириш демакдир. Иккинчи тарафдан, Украина учун ассоциатив аъзолик - катта психологик рағбатланиш манбаси бўлиши муқаррар.

Петр Порошенко бугун Страсбутгга келди ва бу ерда Европа Кенгаши Парламентар Ассамблеясининг мажлисида нутқ сўзлади. Эслатиб ўтиш керакки, Европа Кенгаши Парламентар Ассамблеяси (ЕКПА) ЕИнинг парламенти эмас, Европанинг ҳамма давлатларини бирлаштирувчи Европа Кенгашининг ваъзхонага ўхшаган жойи. Россия Қримни босиб олганидан кейин, у ЕКПАда овоз беришҳаққидан вақтинча маҳрум қилинган, аммо унинг делегация аъзолари мажлисларда қатнашолади, гутқлар сўзлай олади.

Аммо, бугун Россия делегацияси бу мажлисда намойишкорона иштирок этмади.

Петр Порошенко бугун Страсбургдан Брюселлега кетди. Эртага у ерда ЕИга ассоциатив аъзолик шартномаси имзоланади.

27 июннинг иккинчи муҳим томони шундаки, айнан эртага Петр Порошенконинг Украина жанубидаги сепаратист-террористларга қуролини топшириш учун берган муддати тугайди. Агар, ҳеч нарса ўзгармаса, эртадан кейин Петр Порошенконинг Тинчлик режаси доирасида бир ҳафтага тўхтатиб қўйилган Украина кучларининг Антитеррор операцияси давом эттирилади.