05 June 2014
22:18 - Куннинг латифаси: “Ҳаракат”нинг усулига асосланиб башорат қилинишича, иқтисодий юксалишда Ўзбекистон Қозоғистонни ортда қолдиради
2000 йилдан бери Қозоғистон Республикасининг Ялпи Ички Маҳсулоти ҳажми 11 марта ўсиб, 18,3 миллиард АҚШ долларидан 200 миллиард АҚШ долларига етибди. Бу ҳақда Кун.Уз номли ўзбек веб нашри хабар қилган. Шу сайтнинг ўзи Осиё Тараққиёт Банкига асосланиб, Ўзбекистонда ҳам Ялпи Ички Маҳсулоти ўсиб бориб, 50 миллард АҚШ долларига етганини ҳам билдиради.

Сайб ҳисобдонларининг фикрича, бу кетишда 2035 йилга бориб, Ўзбекистон Қозоғистондан иқтисодий кўрсаткичлар бўйича ўтиб кетиши тайин экан.

Осиё Тараққиёт Банки ва Кун.Уз сайтининг башоратчиларини лўттибозликда айбламаслик керак. Афтидан улар “Ҳаракат” сайтининг маълумотларига асосланганлар. Айнан бизнинг сайтимиз, Ўзбекистонда иқтисоднинг ўсиши 8 фоиз бўлиб, қозоқларники ўтган йил бўлгандек 6 фоиз атрофида қолаверса, бор-йўғи 300 йилдан кейин Қозоғистонга етиб олишимизни таъкидланган эди.

Номи тилга олинган прогнозчилар “Ҳаракат”нинг ҳазилини тушунмасдан, унинг башоратларини яна ҳам оптимистикроқ қилиб юборганларига шубҳа йўқ. Хуллас, улар прогнозчи эмас, оддий оддий латифачилардир.
« Олдинги хабар Хабарлар рўйхати Кейинги хабар »