05 June 2014
20:22 - Ўзбекистон Хитойнинг пилотсиз учқичларига харидор бўлди, чўкаётган мамлакатимизни дронлар ёрдамида қутқарамиз!
Хитойдан пилотсиз учқичларни сотиб олаётган Ўзбекистон ҳукуматининг ўзи бу ҳақда бирор хабар тарқатгани йўқ. Аммо хитойлиларнинг инглиз тилида иш олиб борадиган Wantchinatimes.com веб нашри ҳукуматимизнинг Pterodactyl русумидаги техникаларини харид қилаётгани ҳақида маълум қилган. Хабарда Ўзбекистон Мудофаа ишлари вазирлигининг нечта дрон сотиб олгани ҳақида рақамлар йўқ.

“Pterodactyl дронлари характеристикалари Америка ҳаво кучлари ишлатадиган General Atomics MQ-1 Predator пилотсиз аппартларига ўхшаш экани айтилмоқда. Вазни 1100 килограмм бўлган аппарат 100 от кучига эга ва 200 килограммгача юк таший олади. Хитой дронларида ишлатиладиган махсус қуроллар сирасига танкларга қарши ракеталар ва нишонга йўналтирила оладиган бомбалар киради” дейилади хабарда.

Ўзбекистон замонавий қуролларга эга бўлиши керак. Қозоқларнинг ўзи дронлар ишлаб чиқаришга бошлаган бир пайтда биз ҳам бир нарсалар қилишимиз мутлақо шарт. Аммо, иқтисодимизнинг чўкиши тўхтатилмаса, бизни ҳалокатдан Хитойнинг дронлари ҳам қутқаролмайди.
« Олдинги хабар Хабарлар рўйхати Кейинги хабар »