27 May 2014
21:14 - “Микрокредитбанк”ка янги раҳбар тайинланди - Нозим Ҳусан
Ўзбекистон ҳукуматининг қарори билан Нозим Ҳусан “Микрокредитбанк” очиқ акциядорлик банки бошқарувчиси этиб тайинланди. У шу пайтга қадар Ўзбекистон Ташқи-иқтисодий Фаолият Миллий Банки раисининг биринчи ўринбосари лавозимида ишлаб келаётганди.

38 яшар янги раҳбарга собиқ маъмуриятнинг хатоларини такрорламаслик уқтирилибди. Шу йилнинг февралидан бери банк бошқарувчиси вазифасини барариб келаётган Ўткир Бўтаев янги раҳбарга ўринбосар этиб тайинланган.

Эслатиб ўтамиз, шу йилнинг январида банк бошқарувчиси ва маъмуриятнинг бир неча ходими ғайриқонуний фаолиятда айбланиб, жавобгарликка тортилган, бу ҳақда ўз вақтида "Ҳаракат" агентлиги хабар қилганди.

Нозим Ҳусан бир эмас, учта олий ўқув юртини битирган экан – Тошкент Авто-йўллар Институти, Тошкент Молия Институти ва Президент ҳузуридаги Давлат ва Жамият Қурилиши Институти. Қизиқ, ўз вақтида иккита олий ўқув юртини битирган Ўзбекистон Президенти на иқтисод, на молияни тушунмаслигини исбот қилиб бўлганди, Нозим Ҳусан тушунармикан? Бунга шубҳамиз бор. Кўрамиз, у нима каромат кўрсатар экан.
« Олдинги хабар Хабарлар рўйхати Кейинги хабар »