21 May 2014
21:53 - Ўзбекистонда ўрис бизнесмени ҳибсга олинди, бунда Кремлнинг розилиги олинган шекилли
Ўзбекистондаги бир қатор норacмий нашрлар Россиянинг Ғарбий Урал машинасозлик концерни президенти Александр Поздеевнинг Ўзбекистон Республикаси Бош прокуратураси томонидан ҳибсга олингани ҳақида хабар қилди. У гўё ўз ширкатининг Ўзбекистонда олиб бораётган лойиҳалари бўйича шартномалар нархини сунъий равишда оширган. Поздеев бошлиқ ширкат Ўзбекистонда умумий қиймати 200 миллион долларга тенг лойиҳалар реализацияси билан шуғулланмоқда эди.

Поздеев Ўзбекистон Репсбуликаси Бош прокуратурасига Деҳқонобод калий заводи бўйича терговга чақирилиб, ҳибсга олинибди. Россия Федерациясининг Ўзбекистондаги элчихонаси эса, Ўзбекистон Ташқи ишлар вазирлиги орқали ўз фуқаросининг ҳибсга олиниши юзасидан алоқада бўлиб турган эмиш.

Маълумотларга кўра, 2010 йилнинг сентябрида Поздеевнинг ширкати Қашқадарё вилоятидаги Деҳқонобод калий заводи учун хомашё етказиш мажмуасини қурган. Бу мажмуа 1 миллион тонна хомашё етказиб берарди.

Ўрисларнинг бу ширкати шу йил сўнгигача калий заводи учун узунлиги 30 километрга тенг осма дор йўлни қуриб беришни зиммасига олгани ҳам маълум, аммо бу ишларнинг давоми қандай бўлиши номаълум.
« Олдинги хабар Хабарлар рўйхати Кейинги хабар »