17 May 2014
07:40 - Яхши хабар: Навоийда ёнувчан сланец ишлаб чиқарилади
Шу йил “Ўзбекнефтгаз” ширкати Навоий вилоятида “Сангрантау” ёнувчан сланец конини қазишга киришишини ва тез ёнувчан сланец ишлаб чиқариш йўлга қўйилишини режалаштирмоқда. Мазкур завод қурилиши учун керак бўлган 1 миллиард АҚШ доллари ички манбалар ва хорижий кредитлар ҳисобидан қопланади.

Маҳаллий матбуот хабарига кўра, илк босқичда йилига 2 миллион тонна сланецни қайта ишловчи мажмуа қурилади ва кейинчалик эса, завод йилига 8 миллион тонна сланец рудаси ишлаб чиқариш қувватига етказилади. Мамлакатдаги ёнувчан сланец заҳиралари 47 миллиард тонна эканини ҳисобга олсак, ҳақиқатан ҳам бу хабарнинг ижобий эканини пайқаш мумкин.

Айни замонда, шуни ҳам билишимиз керакки, Интернетдаги Википедия энциклопедияси жаҳон сланец заҳираларининг 52 фоизи АҚШда, 21 фоизи Бразилияда, 11 фоизи Россияда, 5 фоизи Хитойда, 5 фоизи Австралияда, қолганлари Болгария, Украина, Буюкбритания, Германия, Франция, Испания, Австрия, Канада, Италия, Швеция, Эстония, собиқ Югославия ҳудудларида эканлигини билдирар экан, Ўзбекистонни тилга олмагани шубҳали кўринади. Ёки бу энциклопедияда янги маълумотлар йўқ, ёки биздаги ёнувчан сланец заҳиралари, минг афсуски, унчалик катта эмас, ёки...

Учинчи "ёки" шундан иборатки, ҳозир Ғарб бор кучи билан Европани Россия газига боғликликдан қутқариш учун АҚШдаги сланец заҳираларидан кўпроқ фойдаланиш кераклиги хусусида гапирмоқда. Шундай пайтда, Россиянинг вассали Ислом Карим гўёки русларга бу масалада ҳам ёрдамчи бўлиши мумкинлигини кўрсатишга интилиб, Ўзбекистонда ҳам катта сланец заҳиралари борлиги ҳақида лоф қилмаяптими?

Эслатиб ўтамиз, ёнувчан сланец қаттиқ каустобиолитлар гуруҳига кирувчи фойдали қазилма бўлиб, таркибидан турли химёвий элементалар олинади ёки ёқилғи сифатида ишлатилади. Шу пайтгача сланецларларни ёқилғи сифатида ишлатиш катта ўлчовларда бўлмаган. Аммо, ҳозир Россиянинг Европадаги газ монополиясини заифлаштириш учун сланецларга эътибор кучайди. Ҳозирча, фақат гапда.
« Олдинги хабар Хабарлар рўйхати Кейинги хабар »