15 May 2014
22:28 - Москва вилоятида одам ўлдириб, кейин Ўзбекистонга қочган ватандошимиз Россияга топширилса керак
Россия ахборот воситаларида тарқатилган хабарга кўра, 13 май куни кечқкурун Москвага яқин Пушино шаҳарчасида ўз автомобилини бозорчадан чиқиш йўлига қўйган 22 ёшли Леонид Сафьянников билан автомобиль нотўғри жойга қўйилганидан ғазабга келган 25 ёшли Ўзбекистон фуқароси Жаҳонгир Аҳмедов (расмда) ўртасида жанжал чиққан. Жаҳонгир аввал Леонидни калтаклабди, у хушидан кетгач, автомобилига ўтқазиб, автоавария инсценировка қилибди, кейин таксига солиб касалхонага ташлаб кетибди. Аммо, Леонид кечаси оламдан ўтган. Воқеа жойи видеокмералар билан жиҳозланган экан, тезда қотил ҳам аниқланибди.

Жаҳонгир эса, 14 май куни эрталаб, омон-эсон Фарғонага учиб кетган, аммо тезда Россия тарафининг таклифи билан тутуқланган. Уни яқин орада Россиянинг керакли органларига топширишса керак.

Одамларнинг ҳаётида, минг афсуски, бўлиб турадиган оддий воқеа. Воқеа видеоларга ёзиб олинган, бунинг устига гувоҳлар ҳам бор эмиш. Жаҳонгаир жиноятига яраша жазосини олиши керак ва олади.

Жанжал икки мамлакат фуқарлолари ўртасида бўлгани ҳам катта аҳамиятга эга эмас. Аммо, бу воқеа доирасида Жаҳонгирнинг ўзини тутиши қизиқ.

Мана 4 йил бўлмоқадики, бутун дунё билади, қирғиз фашистлари ўзбекларни қирғин қилдилар. Сони дунё бўйича 30 миллиондан ошиб қолан ўзбеклар овозини ҳам чиқармасдан қисиб ўтирдилар. Ўзбекларнинг мутлақо кўпчлиги, қасос олишни қўйиб туринг, фашистларни жазолашни ҳам талаб қилмайди, энди ўзбекларнинг келажаги нима бўлади деб ўйлаб ҳам кўрмайди. Талаб қилаётган ва ўйлаётган “Бирлик” ҳамда “Ҳаракат” билан ҳам ишлари йўқ.

Жаҳонгир ҳам ўша ҳеч нарса талаб қилмайдиган, ҳеч нарсани ўйламайдиган, эътибор бермайдиганлардан биттаси. Мана энди у бир йигитчани автомобилини хато ерга қўйгани учун савалаб, атайлаб бўлмаса ҳам, ўлимига сабабчи бўлибди. Ҳа, ўзбек ҳалқи ҳали “далеко пойдет”.
« Олдинги хабар Хабарлар рўйхати Кейинги хабар »