15 May 2014
16:51 - Афғонистонда президент сайловларининг иккинчи тури: 14 июнда Абдулла Абдуллоҳ ва Ашраф Ғани беллашади. Ўзбекистондаги сайловларни эслаш керакмасми?
Афғонистонда 5 апрелда ўтказилган президент сайловлари биринчи турининг узил-кесил натижалари бугун эълон қилинди, дейилдаи жаҳон ахборот воситалари томонидан тарқатилган хабарларда. Абдулла Абдуллоҳ (расмда) 45,0 фоиз овоз билан биринчи ўринда, афғонистонлик ўзбекларнинг лидери Абдурашид Дўстим томонидан ҳам қўллаб-қувватланган Ашраф Ғани 31,6 фоиз овоз билан иккинчи ўринда.

Бу икки номзод 14 июнга белгиланган иккинчи турда беллашадилар. Уларнинг биринчи турда олган овозлари ўртасида фарқ жуда катта. Шундай экан, Абдулла Абдуллоҳнинг ғалабаси аниқга ўхшаб кўринади. Аммо, уриш ичида бўлган бу мамлакатда ҳамма нарса бўлиши мумкин. Демак, натижаларни кутамиз.

Айни замонда, Ўзбекистонда бўлиб ўтган президент сайловларини эслаш ва Афғонистон билан солиштириш ҳам муҳим.

Афғонистонда жуда оғир шартлар остида бўлса ҳам, етарлича демократик сайловлар ўтказилмоқда. Ўзбекисондаги сайловларнинг демократиклик даражаси эса, солиштириб бўлмайдиган даражада пастда. Ҳозиргача ўтказилган ҳамма сайловлар Ислом Каримнинг ўзи танлаган қўғрчоқ номзодлар иштирокида бўлган. Айниқса, 1991 йили ўтказилган сайловларда Ислом Карим ўша пайтда ҳам мухолифатнинг асосий кучи бўлган “Бирлик” халқ ҳаракатининг номзоди қўйдирмасликка бор-кучи билан уринди ва ўша пайтдаги Адлия вазири Муҳаммадбобур Маликовнинг Конституция ва қонунларни бузиб чиқарган қарорлари ёрдамида бунга эришди. Вақти келади, бу икки шахс Ўзбекистонда диктатура ўрнатиш учун қилган жиноят сифатидаги ишлари учун ўзбек миллати олдида жавоб берадилар.

Вақти келгани учун эслатиш керакки, АҚШ Конгрессининг Европада Хафсизлик ва Ҳамкорлик Комиссияси томонидан 1991 йилдаги президент сайловларини кузатиш учун юборилган кузатувчиларининг ҳисоботида “Бирлик” лидеринг сайловларда иштирок этишига йўл берилмагании - ўша сайловлардаги асосий камчиликдир, дейилган
« Олдинги хабар Хабарлар рўйхати Кейинги хабар »