09 May 2014
07:08 - Покистонда ядровий бомба ташишга мўлжалланган баллистик ракета яна бир синовдан ўтди
Бу мамлакатда инглиз тилида чиқадиган Dawn гезетасининг сайтида хабар берилишича, кеча ядровий бомба ташишга ҳам мўлжалланган Hatf-III (Ghaznavi - Ғазнавий) баллистик ракета муваффақият билан навбатдаги синовдан ўтибди. 290 километргача учиш қобилиятига эга бўлган бу ракетани яратиш устида ўтган асрнинг 80-чи йилларидан бери иш олиб борилар экан.

Синов Покистон қуролли кучлари Бош штабининг раиси Раҳил Шариф бошчилигидаги ҳарбийлар тарафидан кузатилган. Президент Мамнун Ҳусайин ва Бош вазир Наваз Шариф бу ракета устида ишлаган олим ва инжинерларни ҳамда синовни ўтказган ҳарбийларни ғалаба билан табрикладилар, дейилдади қисқа хабарнинг сўнгида.

Маълумки, бир-бирини асосий душман деб ҳисоблайдиган Покистон ва Ҳиндистон ядровий қуроллар масаласида доимий мусобақа ичидалар. Покистоннинг бор-йўғи 290 километр узоқликка учоладиган ракетаси айнан қўшни Ҳиндистон учун қандай хавф эканлигини тасаввур қилиш қийин эмас.
« Олдинги хабар Хабарлар рўйхати Кейинги хабар »