07 May 2014
21:40 - АҚШ Давлат Котибининг биринчи ўринбосари Васила Иноят билан ҳам учрашди
Бироз кечикиб олинган хабаримизга кўра, икки кунлик ташриф билан Ўзбекистонга келган АҚШ Давлат Котибининг биринчи ўринбосари Уильям Бернс бугун (АҚШ элчихонасида бўлса керак) пешин соатларида бир гуруҳ маҳаллий фуқаролик жамиятининг фаоллари билан ҳам учрашибди. Асосан йиғи-сиғи билан шуғулланадиган фаоллар ичида "Эзгулик" жамиятининг раиси, "Бирлик" Партиясининг Бош Котиби Васила Иноят алоҳида ажралиб турганини гапириб ўтиришга ҳам ҳожат йўқ. Айнан шу сабабдан, Уильям Бернс айнан Васила Иноят билан учрашганини гапириш мантиқлидир.

Васила Иноят инсон ҳуқуқларининг оммавий топталишини тўхтатиш учун авваламбор сиёсий ҳуқуқлар масаласи билан шуғулланиш лозимлигини, сиёсий мухолифат расмий сиёсий саҳнага чиққандан кейингина жуда кўп муаммолар ҳал этилиши мумкинлигини, Ўзбекистон ҳукумати қамоқхонада ётган сиёсий маҳбусларни дарҳол озод қилиш шартлигини алоҳида урғулади.

Бу учрашувнинг тафсилотлари ва у ерда олинган расмлар бизга етиб келса, уларни кейин эълон қиламиз.
« Олдинги хабар Хабарлар рўйхати Кейинги хабар »