02 May 2014
17:03 - Coca-Cola-Uzbekistan ишини Фуҳушасиз давом эттирмоқчи
Coca-Cola компаниясининг Туркия, Марказий Осиё ва Кавказ бўйича президенти Галя Молинаснинг Тошкентга келиши ва Ўзбекистон Ташқи иқтисодий алоқалар, инвестициялар ва савдо вазирлигида музокаралар олиб бораётгани ҳақида бир неча сатрлик расмий хабарлар тарқатилди. Вазирликнинг матбуот хизмати фақат рус тилида “Музокаралар давомида Кока-Кола компанияси билан ҳамкорликни ривожлантириш перспективаси қараб чиқилди” дейиш билан чекланди.

Аслида, ҳамма нарсанинг сир тутилишидан ҳайрон бўлмаслик керак. Маълумки, Coca-Cola-Uzbekistan компанияси Ислом Каримнинг қудаси, яъни қизи Гулноранинг қайинотаси, Мақсудий тарафидан очилганди. Кейинчалик Мақсудийлар Ўзбекистондан ҳайдалди, бу компания феълан Гулнорага ўтди.

Мана энди Фуҳуша лақаби билан танилиб қолган Гулноранинг ҳам куни битди. Норасмий маълумотларимизга кўра, Coca-Cola-Uzbekistan компаниясининг Фуҳушани одамлари қўлида бўлган 52 фоиз акциялари давлатга ўтказилмоқда ёки ўтказиб бўлинди. Қолган 48 фоизи Туркия туркларида эди, шундайлигича қолса керак.

Демак, тахмин қилиш қийин эмаски, расмдаги Галя Молинас “ҳамкорликни ривожлантириш перспективаси”ни эмас, энди қандай яшаш масаласини муҳокама қилиш учун Тошкентга келган.

Ислом Каримнинг ҳам куни тўла битгандан кейингина Coca-Cola-Uzbekistan компаниясининг келажаги ҳақида гапириш мумкин бўлади.
« Олдинги хабар Хабарлар рўйхати Кейинги хабар »