28 April 2014
19:27 - Ҳамма нарса “Бирлик” истаётгандек бўлмоқда, Ўзбекистон ТуркПАга кирмоқчи
Ўзбекистоннинг иқтисоди чўкаётгани, иқтисоднинг асосий кўрсатгичи бўлмиш Киши бошига Ялпи Ички Маҳсулот ҳажми бўйича Ғарб давлатлдарини қўйиб туринг, Қозоғистон ва Туркманистондан 8 ва 6 баравар орқада эканлигимизни, демак, бизда ўрача ойлик ҳам шунча пастлигини Ислом Карим режими ўзбеклардан сир сақлаб келарди.

“Бирлик” Партияси бу рақамларни “Ҳаракат” Агентлиги саҳифаларида эълон қилгач, секин-аста бўлса ҳам, улар халқнинг қулоғига етиб бормоқда. Ҳеч қандай шубҳа йўқки, Ислом Карим режими буни тушунгани сабабли ўзи ҳам яширин тутилган рақамлари очиш йўлига ўтди. Кейинги қадам, яна “Бирлик” талаб қилаётгандек, бу аҳволдан чиқиш йўлларини таклиф қилиш, ундан ҳам яхшиси Ислом Каримнинг ўз истаги билан истеъфога жўнаши бўлиши лозим.

Бошқа масалаларда ҳам Ислом Карим “Бирлик”нинг овозига қулоқ солишга мажбур бўлмоқда.

Маслан, Ислом Каримнинг Турк дунёси мамлакатлари билан алоқани минималлаштиргани, турк тилли давлатларнинг яқинлашиши йўлида тўсқинлик қилаётгани унинг тожик эканлиги билан боғликлигини “Бирлик” ва “Ҳаракат” тўхтамасдан ёзмоқда. Ислом Карим бунинг қаршисида чекинишга мажбур бўлиши муқаррар эди, шундай бўлаётганга ўхшайди.

Uzdaily.uz сайти Турк тилли давлатлар Парламент Ассамблеяси (ТуркПА) Бош котиби Жандос Асановга асосланиб бугун хабар қилишича, Ўзбекистон бу ташкилотга кириш хусусида сигналлар берибди.

Маълумки, ҳозирча ТуркПАга Озорбайжон, Туркия, Қозоғистон ва Қирғизистон киради. Энди Ўзбекистон ва Туркманистон ҳам шу йўналишда иш қилишаётган эмиш.

Турк Дунёсининг Туркиядан кейинги энг катта давлати бўлмиш Ўзбекистон ТуркПАга ва туркий тилли давлатдар тузаётган турли струтураларга кирмаса, айнан шу факт Ислом Каримнинг тожик эканлиги ҳақидаги бизнинг иддаоларимизни исботловчи муҳим аргументга айланиб бораверади.
« Олдинги хабар Хабарлар рўйхати Кейинги хабар »