25 April 2014
19:06 - Туркия Конституцион Судининг раиси исломчилар ҳокимиятини шокка туширди, ўзбеклар сабоқ олиши керак
Бугун Конституцион Суднинг 52 йиллик куни муносабати билан ўтказилган тантали мажлис ҳозир ҳокимиятда бўлган исломчиларни шокка туширибди.

Туркиянинг энг кўп ўқиладиган “Миллиёт” газетасининг сайтида бу ҳақдаги хабарига Конституцион Суд раиси Ҳошим Қиличнинг нутқидан кейин минбардан тушиб кетаётганда, шок тушган Бош вазир, айни замонда, исломчиларнинг Адолат ва Тараққиёт Партияси раиси Ражаб Эрдўғон, Парламент раиси Жемил Чичек ва Президент Абдуллоҳ Гулларнинг расми илова қилинган эди. Аммо, “Ҳаракат” мухбири бу тарихий расмдан нусҳа олишга улгурмасидан у сайтдан олиб ташланди.

Ҳошим Қлич (расмда) ўз нутқида мавжуд ҳокимиятни қаттиқ сўзлар билан танқид қилиб, судлар ҳукуматнинг айттганини қиладиган муассасаларга айлангани айтибди. Ҳукуматнинг вазирларидан бири “Конституцион Суд раисининг нутқи - сиёсий нутқ, мухолифатчининг нутқидир, Конституцин Суд на сиёсий ташкилотдир, на мухолифатдир” деганидан ҳам кўриниб турибдики, нутқ ростдан ҳам сиёсий мухолифатчилик руҳида бўлган.

Бу воқеа кўрсатмоқдаки, бугун Туркияда ҳокимиятда бўлган исломчилар ҳокимиятнинг уч асосий тармоғини – қонунчлик, ижроия ва суд тармоқларини - тўлга қўлга олганлар. Аммо, кўринишидан, Конституцион Суд ҳали уларга бўйсунмайди ва бугун бўлгани каби, мустақил орган эканлигини намойиш қилишдан қочмайди.

Турк дунёсининг энг катта мамлакатида бўлаётган воқеалар ҳаммани, биринчи навбата, ўзбекларни қизиқтириши, ўйлантириб қўйиши керак. Чунки, демократияга тайёр бўлмаган жамитяларда исломчиларининг ҳокимиятга келиши ва мамлакат олдинга эмас, орқага кетишининг эҳтимоллиги жуда катта.

Айни замонда, ҳозир Ўзбекистонда бўлгани каби, мухолифатчиликка даъво қилаётганлар ичида етук сиёсатчиларнинг камлигига ва бошимизга Москванинг КГБси тарафидан яратилган диктаторнинг, бунинг устига, миллати ўзбек бўлмаган диктаторнинг чиқариб қўйилишига ҳам кўз юмиб бўлмайди.

Нима қилиш керак?

Муаммони тўғри ифодалаш – ечимнинг ярмидир, дейди олимлар. Ростдан ҳам шундай. Тўғри диагноз қўймасдан касалликни даволаб бўлмайди. Ҳозир Ўзбекистоннинг касаллигига, ўзбек миллатининг касаллигига фақат “Бирлик” Партияси энг тўғри диагонозни қўйди. Демак, “Бирлик” орқасидан кетиш, унинг сафларига қўшилишдан бошқа йўл йўқ.
« Олдинги хабар Хабарлар рўйхати Кейинги хабар »