25 April 2014
14:16 - Абдураҳим Пўлат: Россия Учинчи Жаҳон Уруши бошлашни эмас, жаҳонни ўзи билан йўқ қилишни ўйламоқда
Украина Бош вазири вазифасини бажарувчи Арсений Яценюкнинг “Дунё ҳали Иккинчи Жаҳон Урушини унутгани йўқ, Россия эса Учинчи Жаҳон Уруши бошламоқчи, Украинада ҳарбий қарама-қаршилик чиқариш Европани урушга олиб келади” деган сўзлари Reuters агентлиги тарафидан тарқатилди.

Украинанинг ўзи бундай конфликт чиқаришни хоҳламайди ва жузий масалаларда чекинишга тайёр. Мана битта мисол. Кеча Украина Инчки ишлар вазирлигининг қўшинлари Донецк вилоятининг Словянск шаҳри атрофига рус федералист-террористлари тарафидан ўрнатилган 3 та блокпостни йўқ қилиш вақтида 5 террористни ўлдирганди. Россия бунга қарши очиқча уруш тайёргарликлари бошлаши билан, украинлар у блокпостларни террористларга қайтариб бердилар.

Путин ҳаддиддан ошгани ва дунё императори бўлиш ҳаёлига кўмилгани ҳам кўриниб турибди. Аммо, бунга кучи етмайди. Хўш, Путин у ҳолда нима қилади? Арсений Яценюк айтганидек, Учинчи Жаҳон Уруши бошлайдими?

Ҳа, у алам ичида бундан бошқа нарса қилишга қодир эмас. Ҳозир жаҳон уруши бошланса, унда ғолиб тараф бўлмайди, жаҳон ҳалок бўлади. Путин шунга ҳам тайёр.

Буни биринчи бўлиб тушунган сиёсатчи - “Бирлик” Партияси лидери Абдураҳим Пўлатдир. У Россия-Гуржистон урушидан кейин ёзган “Кенигсберг-Курил муаммолари ва Россия- Гуржистон уруши” номли мақоласида айган шундай дейди:

“Ҳозирги Россияни Ўрта Шарқ мамлакатларида модага кирган тирик бомба-аёллар билан солиштириш мумкин. У бомба-аёлларнинг белида бир неча граната ёки бомбача боғланган, Россиянинг белида эскириб қолган бўлса ҳам дунёни йўқ қилоладиган атом ва ядровий бомбалар бор.”

“Кенигсберг-Курил муаммолари ва Россия- Гуржистон уруши” номли мақола “Ҳаракат” журналининг 2008 йилга оид 4(73) сонида эълон қилинган. Унинг матни билан ушбу сайтнинг «“Ҳаракат” журналининг архиви» бўлимида танишиш мумкин.

Аслида, ўзбекларнинг иши бу мақола билан танишишгина эмас, биз нима қилишимиз керак саволи устида ўйлашдир. Ўйлаш билан ҳам иш битмайди, ўйлашни аллақачон бошлаган “Бирлик” Партиясига қўшилиш, ёки, энг камида, уни қўллаб-қувватлашдир. Ўзбек миллат сифатини тиклашни истаса, бундан бошқа йўли йўқ.
« Олдинги хабар Хабарлар рўйхати Кейинги хабар »