04 April 2014
20:32 - Амир Темурнинг 678 йиллигига бағишлангна конференцияда бугунги аҳволимиз тилга олиндими?
Бундай конференция Самарқанддда Ўзбекистон маданияти тарихи давлат музейида 2 апрелда бўлиб ўтгани бугун хабар қилинди. Расмдан кўринишича, бу тадбирни конференция дейиш қийин, кичкинагина йиғилиш бўлган. Катта юбилей бўлмагани сабабли, буни тушуниш мумкин.

Бироқ хабарлар умумий гаплардан иборат бўлиб, конференцияда Амир Темурнинг ўзбек давлатчилиги, фан, адабиёт, маданият ва санъатнинг рвожланишидаги роли ҳақида гапириш билан чекланганини тушуниб бўлмайди.

Айни замонда саволлар туғилади? Қани ўзбек давлатчилиги? Амир Темур тузган буюк империя нима учун тезда парчаланиб кетиб, унинг парчалари ҳам охир оқибатда руслар тарафидан осонликча йўқ қилинди? Нима учун ҳозир Ўзбекистон давлати ва ўзбек миллатининг аҳволи эса, ўта аянчли? Нима учун қирғиз фашистлари ўзбекларнинг тирклайин ёқиб, ўзбекларни қирғин қилганларида қиқиб ўтирадиган ҳолга келди Амир Темур авлодлари?

Нима учун иқтисоднинг қуввати, демак, аҳолининг ўртача ойлиги бўйича кечагина кўчманчи бўлган қозоқлардан 8 баравар орқадамиз? Қозоқларда ўртача ойлик 700 долларга яқин бўлса, бизда 90 доллардан ҳам оз. Нима сабабдан, ўзбек профессорлари қозоқ дворникларидан кам ойлик олишади ва чўчқалардек шунга чидаб юришади. Дарвоқе, Улуғбекдан кейин, руслар босиб олмагунча, бизда ҳеч қандай фан деган нарса ҳам қолмаганини нима билан тушунтириш керак:

Шу саволларга жавоб қидирмаган одамларнинг йиғилишини конференция дейиш учун одамда катта жасорат бўлиши керак. Ҳа, ўзбекларда саёз нарсалар ҳақида гапириш жасорати қолган, холос.

Бу ерда тилга олинган саволлрга жавоб қидирмасдан ўзбек қайтадан миллат бўлолмайди, олға кетолмайди. Бундай мавзуларни фақат ва фақат "Бирлик" Партияси ва "Ҳаракат" Агентлиги кўтараётганидан тушуниш мумкинки, ўзбекларнинг келажаги, агар келажагимиз бор бўлса, "Бирлик" ва "Ҳаракат" билан боғлиқдир.
« Олдинги хабар Хабарлар рўйхати Кейинги хабар »