23 March 2014
17:25 - Қримтатарлар мустақиллик масаласини кун тартибига олиб киришмоқчими?
Қримтатар халқининг ўз тақдирини ўзи белгилаш ҳуқуқи ва Қримда юзага келган вазият бўйича нималар қилиш кераклиги 6-чи чақириқ Қримтатар Халқ Мажлисининг яқинда бўладиган 2-чи сессиясида муҳокама қилинади, дейилади бу ташкилотнинг расмий сайтидаги хабарда.

Айни замонда, Мажлис қримтатарлар миллий-озодлик ҳаракати бошлаш ниятида эканлиги ҳақида тарқатилган гап-сўзларни инкор этади, кимлардир буни гапираётган бўлса, бу уларнинг шахсий фикри эканлигини урғулайди.

Аммо, ўз-ўзидан маълумки, дейди “Ҳаракат” мухбири, миллатнинг ўз тақдирини ўзи ҳал қилиш ҳуқуқи ҳақида гап бошланишининг ўзи мустамлакаликдан озод бўлиш ва келажакда мустақиликка эришиш масаласини кун тартибига олиб киради. Бундан қўрқиш керак эмас. Тинч йўллар билан олиб бориладиган ҳар қандай кураш, хусусан, 1944 йўқ қилинган миллий автономияни тиклаш учун кураш, демократик дунё тарафидан қўллаб-қувватланади. Биринчи навбатда, бундай кураш Турк дунёси тарафидан қўллаб-қувватланиши керак.
« Олдинги хабар Хабарлар рўйхати Кейинги хабар »