12 йил аввал биринчи марта ҳокимиятга келган Бош вазир Ражаб Эрдўғон раҳбарлигидаги исломчиларнинг Адолат ва Тараққиёт Партияси ўтган вақт ичида ҳокимиятнинг бир-биридан мустақил бўлиши керак бўлган ҳамма тармоқларини, жумладан, суд тизимини ҳам тўла қўлига олгани ҳаммага маълум. Айнан шундан кейин исломчилар ҳокимияти дунёвийчиларга қарши уруш бошлаган эди. Шу уруш доирасида жуда кўп миллатпарварлар ва ҳатто юқори лавозимли ҳарбийлар Эргенекон ҳамда Балёз номлари билан танлаган махсус операциялар доирасида қамоққа ташланди. Уларнинг бир қисми умр бўйи озодликдан маҳрум этилди.

Аммо, 2013 йил 17 декабрда ҳукумат ичидаги гўёки фатхулла-гуленчилар жамоати (бу ҳам ўта радикал исломчилардир) тарафидан бошланган операция вақтида бир қатор Ражаб Эрдўғонга яқин одамлар коррупция ва порахўрлик айби билан ҳибсга олинди. Ўша пайтгача ўзини сал кам Оллоҳнинг вакиллари деб ҳисоблаб келган ҳукумат бутун дунёга шарманда бўлди ва кўп масалаларда орқага чекинишга бошлади. Хусусан, Эргенекон ва Балёз оперцияси доирасида қамалганларнинг ишиларини қайтадан кўриб чиқишга ваъда берилди. Бир қатор қамалганлар озод ҳам бўлди.

Аммо, бугун ҳамманинг диққат-эътиборини ўзига тортган катта воқеа юз берди. Бутун умрга қамалган Туркия ҳарбий кучлари Бош штабининг собиқ бошлиғи Илкер Бошбуғ озод қилинди. У гўёки давлат тўнтариши қилишга тайёрланиш айби билан қамалган эди.

Туркиянинг мисоли яна бир марта кўрсатмоқдаки, энди исломчилик билан узоққа кетиб бўлмайди. Давлат ривожланишни истаса, авваломбор дунёвий бўлиши, исломчиликка асосланган партиялар умуман бўлмаслиги керак.

Воқеалар шу йўналишда давом этса, бир вақтлар ўзини миллатчи деб кўрсатиб, миллатни Ислом Карим раҳбарлигидаги тожикларга сотишдан тоймаган ва сотқинлик эвазига олган квартираларнинг номерлари (53-54) лақабига айланган, ҳозир эса ғирт исломчига бўлиб олган ҳаромий Салой Мадамин ва унинг ҳамтовоқлари иккинчи марта Туркиядан қочишга мажбур бўлишлари аниқ.