03 March 2014
17:51 - Ҳақиқий хабар “Ҳаракат”да ўқилар: Украинадан келаётган хабарларга ишонишдан аввал, уларни текшириш лозим
Кечагина Украинадаги воқеаларга бағишланган хабаримизда “У ердан келаётган хабарларнинг мутлақо кўпчлигини исботлайдиган фактлар йўқ, уларни инкор этиб ҳам бўлмайди” деган ибора ишлатиб, у ердан келаётган хабарларга эҳтиётлик билан ёндошиш лозимлигига имо қилган эди. Ҳозир буни очиқча ёзмоқдамиз.

Ҳа, айниқса руслар бераётган хабарларга эҳтиётлик билан ёндошиш лозим. Чунки, нафақат россиялик журналистлар, балки, журналистларга маълумот бераётган сиёсатчилар ҳам Украинадаги воқеалар таъсирида эс-ҳушларидан айрилганлар. Чунки, Киевдаги ҳозирги ҳукумат тўла ғалаба қозонса, бу - сўнги йилларда Путиннинг русларни кўпчилиги тарафидан қўллаб-қувватланаётган ҳолда олиб бораётган сиёсатининг чўкиши бўлади. Бошқа тарафдан, руслар ҳозирги босқичда ғалаба қозониб, Украинанинг баъзи ҳудудларини ажратиб олсалар, бундан кейин бошланадиган “совуқ уруш” натижасида Россия Фдерацияси, худди СССР каби, албатта парчаланиб кетади.

Буни тушунган рус сиёсатчилари ақл-ҳушларини йўқотаётганларининг сабаби шу ерда.

Дарвоқе, ҳозир маҳаллий руслар қўлида бўлган Қримдаги ҳокимият одамлари ҳам, айнан шу сабабдан, эс-ҳушини йўқотишган. Масалан, Россиядан бошқа ҳеч ким тарафидан тан олинмаган, Қрим Бош вазири этиб тайинланиши ноқонуний бўлган, айни замонда, “Руслар Бирлиги” номли партиянинг лидери Сергей Аксенов Киевдан у ёки бу шаклда мустақил бўлишни гўёки қонунлаштирадиган референдумнинг 25 майда бўлишини жуда кеч деб ҳисоблаб, уни 30 мартга ўтказиш ниятини билдирди. Рус хабар агентликлари бу хабарни референдум 30 мартга сурилди маъносида бердилар. Балки, сурилар, аммо бугун ҳам бу иш ҳали қилинмади.

Айни замонда, Ғарб билан Россия ўртасида совуқ уруш бошланиб бўлди. Киевдаги янги ҳукумат секин аста назорат ва бошқарувни қўлга олмоқда. Демак, Россия Федерациясининг парчаланиш жараёни бошланди дейиш мумкин.
« Олдинги хабар Хабарлар рўйхати Кейинги хабар »