Тошкент вақти - 
25 February 2014
21:11 -
600 минг кишига Россияга кириш тақиқланди, табиий, уларнинг кўпчилиги ўзбеклар
Рус хабар агентликлари Россия Миграцион Хизматининг (РМХ) раҳбари Константин Ромодановскийга асосланиб тарқатган хабарларда айтилишича, РМХ 600 минг муҳожирга Россияга киришни тақиқланган. Константин Ромодановский бу ҳақда Президент Владимир Путинга ҳисобот берар экан, бу муҳожирларнинг кўпчилиги МДҲ мамлакатларидан эканлигини урғулаб, қуйидаги рақамларни ҳам келтирган.Ўтган йили Россига 17,7 млн одам келди, уларнинг 12,4 миллиони меҳнат муҳожирлари. Меҳнат муҳожирларининг 40% қонуний, 60% ноқонуний равишда ишлайди. РМХ айнан ўша 60% ни нишонга олиб урмоқда экан.
Тахмин қилиш қийин эмаску, нишонга олинганларнинг энг камида ярми ўзбеклар, чунки, Россияга меҳнат муҳожирлари кетаётган мамлакатларнинг энг каттаси Ўзбекистондир. Демак, ҳозирнинг ўзидаёқ бир неча юз минг меҳнат муҳожиримиз Россияда топаётган пулидан айрилди ёки айрилади, энди Ўзбекистонда ишсиз ўтиришга мажбур бўлади. Табиий, улар бошқа мамалакатларга, масалан, Туркияга боришга ҳаракат қилишади, аммо Туркия бунча одамни иш билан таминлай олмайди.
Яна шуни ҳам тушуниш керакки, Россия оғир иқтисодий кризисга кираётгани сабабли меҳнат муҳожирларининг йўлини тўсишга ҳаракат қилмоқда. Аммо, ўзбекларга буни билиш ёки тушуниш ҳеч қандай енгиллик келтирмайди.
Бу оғир аҳволдан чиқишни ўйлаш керак бўлганлар - Ўзбекистон ҳукуматидагилар, Бош вазир ва Президент Ислом Каримдир.
“Бирлик”нинг таклифи ҳам ҳаммага маълум – Ўзбекистонда Ислом Карим раҳбарлигида ҳокимлик қилаётган тожиклар режимини қулатиш ва Ўзбекистоннинг давлат сифатини тиклаш.
