24 February 2014
10:33 - Замонавий Украина давлат сифатида иккинчи марта синовга кирди (тузатилган)
2005 йили буюк ва ёрқин ғалаба билан ҳокимиятга келган мухолифатдаги зағалдоқчилар биринчи синовдан ўтолмаган эдилар. Тез орада ички низолар бошланган, ашаддий русларга қарши бўлган Бош вазир Юлия Тимошнко тезроқ президень бўлиб олиш ниятида, Россиянинг ҳукумдори Владимир Путиннинг қучоғига ҳам кириб кетишга тайёр эканлигини кўрсатган. Натижада, ҳокимиятга Виктор Янукович келди, Юлия Тимошенко ва унинг Ички ишлар вазири Луценкони қамоққа отди. Мухолифат катта сиёсатга тайёр эмаслигини кўрсатди.

Ҳозир Украинада ҳокимиятни феълан қўлга олган мухолифатнинг аниқ бир ранги ҳам йўқ. Яъни, вазият яна ҳам оғирдир.

Бу ерда Президент, парламент раиси ва ҳукумат раҳбари вазифалари бир одамнинг – бир маҳаллар зарғалдоқчилар маликаси номини олган, аммо кейинчалик ўз айби билан қамоққа ўтиришгача борган Юлия Тимошенконинг ишонган одамларидан бири ҳисобланадиган Александр Турчиновнинг қўлида. Украина биринчи синовдан ўтолмаганининг асосий айбдори айнан Юлия Тимошенко бўлганини ҳисобга олсак, бугунги перспектива ҳам яхши эмасдек кўринади. Аммо, умид қилиш керакки, Юлия хоним ҳам, Александр Турчинов ҳам, бошқа мухолифат лидерлари ҳам, аввалги мағлубиятларидан керакли хулосалар чиқариб олганлар.

Кеча Сочи Олимпиадасини ғалаба билан тугаллаган Россия Президенти Владимир Путин ўша ғалаба мастлиги билан Украинагаа қарши бир нарсалар қилмасмикан деган савол ҳозир ҳаммани эҳтиёт бўлишга чақирмоқда. Айнан шу сабабдан, АҚШ Владимир Путинни Украина ишларига ҳарбий куч билан аралашиш “катта хато” бўлади деб уни огоҳлантирмоқда.

Икки ойча аввал Янукович режими тарафидан персона нон грата деб эълон қилинган Гуржистоннинг собиқ Президенти Михаил Саакашвили кеча ҳеч бир тўсиқсиз вақтинча яшаётган ери АҚШдан Киевга келди ва Майдондагиларни ғалаба билан табриклаб, майдончиларни “озод ва мувафаққиятли Украина” яратишга чақирди.

Украинани ҳозирги кризисдан олиб чиқиш учун мухолифат бир ёқадан бош чиқариб курашиши лозим. Умид қилиш керакки, аввалги хатолардан тўғри хулосалар чиқарилади ва Украинанинг янги ҳокимияти тўғри йўлдан кетади.
« Олдинги хабар Хабарлар рўйхати Кейинги хабар »