21 February 2014
21:24 - Ўзбекистон “қора бозори”да доллар яна сапчиди
Бугун Тошкентдаги Олой, Қўйлиқ ва Фарҳод бозорлари қошидаги “қора бозор”да АҚШ долларининг сўмга нисбатан қиймати мустақиллик йилларидаги энг юқори кўрсаткичларни қайд этди. Бу бозорларда 100 АҚШ доллари 295 000 сўмгача сотилди. Саррофлар аҳоли қўлидан АҚШ валютасининг 100 талик купюрасини 292 000 сўмдан сотиб олишмоқда. Европа пул бирлиги бўлмиш Евро 310 000 сўм, Россия рублининг 1000 талиги эса 82 000 сўмга сотилди.

Валютафурушлар кейинги бир неча кунда АҚШ долларининг сўмга нисбатан яна кўтарилиши, баҳор чиққач эса курснинг бироз мўътадиллашишини айтишмоқда. Саррофларга кўра, шу кунларда аҳоли қўлида АҚШ доллари бироз камайган, боиси Россия ва Қозоғистонда қиш бўлгани боис мигрантларимизда нисбатан кам пул келмоқда. Баҳорда бу кўрсаткич кўтарилади ва доллар нархи турғунлашади.
« Олдинги хабар Хабарлар рўйхати Кейинги хабар »