Ярим кечада Президент Янукович ва мухолифат лидерлари қарама-қаршиликни тўхтатиш ҳақида келишгна бўлсалар ҳам, амалда ҳеч нарса ўзгармади. Полиция қўшинлари билан намойишчиларнинг тўқнашувлари натижасида ўлганларнинг сони 35 дан ортгани расмийлар тарафидан айтилмоқда. Норасмийлар бугуннинг ўзи 60 киши ўлганини гапиришмоқда. Юзлаб яраланганлар бор.

Бугун тушдан кейин Ички ишлар вазири полицайларга қурол беришга қарор қилганини билдирди, қурол уларга ўзларини ҳимоя қилиш учун керакмиш.

Ваҳимага тушган киевликлар озиқ-овқат магазинларидан ҳамма нарсани сотиб олдилар ҳисоб. Закарпатьяда полиция ва унинг қуролли кучлари халқ томонига ўтдилар. Олий Рада бирон қарор олиш учун етарлича депутат келмагани учун мажлисини ҳам бошлай олмаяпти. Ҳокимиятдаги Регионлар Партияси мажлис ўтказилишини истамапти. Бу партиянинг 10 дан ортиқ депутати партиядан чиққанини эълон қилди. Европа лидерлари Януковичдан намойишчиларга қарши куч ишлатишни тўхтатишни талаб қилишмоқда.

Виктор Янукович тушдан кепйин Польша, Франция ва Германия мамлакатларининг ташқи ишлар вазирлари билан телефонда гаплашаётган пайтда алоқани узиб, Россия Президенти Владимир Путинга телефон қила бошлагани ҳам хабарларда айтилмоқда.

Воқеалар қандай давом этиши мумкинлиги тўғрисда бирон фикр айтадиган мардлар ҳам йўқ.

Сўнги дақиқаларда келган хабарга кўра, Олий Рада ниҳоят ўз мажлисини бошлаган (расмда). Аммо, рўйхатдан ўтиш қўлда қилинмоқда, микрофонлар ишламаяпти. Шунақа ишлар.