19 February 2014
19:48 - Украина ҳукумати намойишчиларни террористлар сифатида тарқатмоқчи, катта талофатлардан Оллоҳ асрасин!
Ҳозиргина тарқатилган расмий хабарларга кўра, бу мамлакатнинг Хавфсизлик Хизмати ва Антитеррор Маркази бутун Украина бўйлаб антитерористик операция бошлашга қарор қилган. Табиий, бундай қорор ҳукумат раҳбарлари билан маслаҳатлашилмасдан олиниши мумкин эмас.

Сўнги кунларнинг воқеалари кўрсатмоқдаки, дебди Украина Хавфсизлик Бошқармасининг раҳбари Александр Якименко, қарама-қаршилик ва экстремистик кайфиятдаги гуруҳлар тарафидан қурол ишлатиш тўхтовсиз ортиб бормоқда.

Бошқарманинг бу хусусдаги баёнотида қуйидаги сўзлар бор: “Қарама-қаршиликда ўқ отиш қуроллари ишлатилаётгани фақатгина терроризм аломати эмас, аниқ террористик актлардир”.

Намойишчиларни террористлар билан тенглаштириш ёмон оқибатларга олиб келиши мумкин.

Операция кечаси ўтказилса керак. Аммо, намойишчилар ичида сокинлик ҳукм сурмоқда, улар совуққанлик билан маҳаллий вақт бўйича соат 18 (Тошкентда соат 21 бўлади) атрофида ҳужум бошланишини кутишмоқда.

Агар Хавфсизлик Хизматининг қарори шунчаки қўрқитиш учун эълон қилинмаган бўлса, бугун кечқурун ва кечаси катта талофотлар бўлиши мумкин. Шу дақиқагача, икки тарафдан 26 кишининг ҳалок бўлган айтилмоқда.
« Олдинги хабар Хабарлар рўйхати Кейинги хабар »