Тошкент вақти - 
17 February 2014
01:22 -
Украинада ўзгаришлар бор, аммо вазиятни баҳолаш қийин
Мухолифатчилар анча аввал босиб олинган Киев шаҳар ва вилоят муъмуриятлари жойлашган бинони кеча эгаларига бўшатиб бердилар. Аввал босиб олинган 5-6 та вилоят ҳикимликларининг бинолари ҳам бўшатилди.Ҳукумат ҳам мухолифат томонга қадам қилиб, турли тартибсизликларда қўлга олинган ёки, қўлга олинмаса ҳам, устидан жингоий иш очилган намойишчиларни амнистия қиладиган қонунни бугун ишга туширмоқчи.
Икки тарафдан қилинган бу қадамлар ҳукумат ва мухолифат кесинликни камайтириш ниятида эканлигини кўрсатаётганга ўхшаб кўринади. Аммо, айни замонда, мухолифат ўзининг ҳукуматини тузиш қарорини эълон қилиши, ишлар тескари тарафга кетмаяптими, деган савол уйғотади.
Ўзи қамоқда бўлган Юлия Тимошенконинг парламентдаги фракцияси лидери Арсений Яценюк кеча кечқурун мухолифатнинг ҳукуматини тузиш мақсадини очиқлади. Бу қарор мухолифат лидерлари ва Юлия Тимошенко томонидан биргаликда қабул қилинибди. Маълумки, Арсений Яценюк Президент Виктор Януковичнинг расмий ҳукуматни бошқариш таклифини ўзини сотиб олишга қаратилган таклиф сифатида баҳолаб, уни қабул қилмаган эди.
Мухолифат одатда вазирликка номзодлардан иборат “соядаги ҳукумат” номли команда тузади ва расман ҳокимиятга келишни кутади. Украина мухолифати ҳам шунақа ҳукумат қуриб, шароит ўзгаришини кутмоқчими ёки ҳокимиятни куч билан бўлса ҳам ўзи тузган ҳукуматга олиб бериш устида ишламоқчими?
Мухолифат кутмоқчи бўлса, Украинадаги ий кескинлик юмшашга бошлайди. Акс ҳолда, кескинлик янада ортиши муқаррар.
Расмда мухолифатнинг уч қаноти – Юлия Тимошенконинг блоки “Батькивщина”, “Свобода” Бирлашмаси ва “Удар” Партияси – лидерлари Арсений Яценюк, Олег Тягнибок ва Виталий Кличко.
