Ҳа, буюк Отатуркнинг қилган ишлари натижасида ўлаётган Халифат ўрнига қурилган Туркия Жумҳурияти яна оғир кунларни бошидан кечирмоқда. Аввалги хабарларимиздан маълумки, ўзларини сал кам Оллоҳнинг ердаги одамлари деб кўрсатишга уриниб келаётган исломчиларнинг Адолат ва Тараққиёт Партияси (АТП) коррупция ва порахўрлик ўчоғи эканлиги маълум бўлиб қолди. Бу партиянинг лидери, Бош вазир Ражаб Эрдўғон ҳукуматининг баъзи одамлари, ҳатто баъзи вазирларнинг бизнес билан шуғулланаётган ўғилларининг уйидан қутиларда сақланаётган миллионлаб евро ва долларлар топилди. Ғурури бор бўлган Бош вазир дарҳол истеъфога кетган бўларди. Аммо, исломчиларда ғурур каби ҳиссиётлар бўлармиди, улар ёлғондакм 5 маҳал номоз ўқишни билишади, холос.

Туркияда бўлаётган воқеалар мамлакатни ўрта асрларга олиб кетаётган исломчилар билан олға кетиш ниятида бўлган дунёвийчилар ўртасидаги жангдан бошқа нарса эмас. Бу Туркиянинг, балки, бутун инсониятнинг келажагини белгилашда муҳим роль ўйнайдиган жангдир. Миллатнинг катта бир қисми, саводсизлиги ва жоҳиллиги туфайли, кўр-кўрона АТПни қўллаб-қувватлаётган пайтда бу жанг мамлакат парламенти, яъни Туркия Буюк Миллат Мажлисига (ТБММ) ҳам ташингани ҳеч тасодифий нарса эмас.

Кеча ТБММда дунёвийчилик рамзи бўлган, бир маҳаллар Отатурк раҳбарлигида қурилган Жумҳурият Халқ Партиясидан (ЖХП) сайланган депутатлар билан АТПчи депутатлар ўртасидаги баҳс-мунозаралар муштлашишга айланиб кетибди. Айнан бу воқеага турк депутаталарининг қолоқлиги ёки ибтидоийлиги эмас, бўлаётган жанжалларнинг Туркияни келажагини белгилайдиган муҳим кураш эканлиги нуқтаи назаридан қараш керак.

Миллат сифатини ҳам йўқотиб бўлган ўзбеклар эса, Туркиядаги воқеаларга миллат сифатини тиклаш йўлидаги кураш нуқтаи назаридан қарашлари, керак бўлса, ўрганишлари керак.

Чунки, биз ўзбеклар миллат сифатимизни, миллий ғуруримизни, Марказий Осиёдаги мавқеимизни тиклаш учун курашни парламентаги муштлашишлар орқали бўлса ҳам халққа кўрсатишимиз керак. Ўшанда ўзбекларнинг кўзи очилишга бошланади. Буни яъши тушунган Москванинг қўғирчоғи Ислом Карим Олий Мажлис деб аталадиган парламентимизни одам ҳам деб ҳисоблаб бўлмайдиганлар билан тўлатиб қўйган.

Ўзбекларни миллат, Ўзбекистонни давлат сифатларини тиклаш йўлидаги кураш узоқ йиллар давом этади, Олий Мажлисда муштлашишлар бўлади. Шунга тайёрланиш, тўғрироғи, шу кунларни яқинлаштириш учун ҳаракат қилиш керак.

Расмда – АТПчиларнинг муштини еб бурни қонаган ЖХПчи Али Иҳсон Кўктурк.