25 January 2014
17:36 - Украинада урушни тўхтатиб бўлмайдиганга ўхшайди, ҳамма нарса армиянинг позициясига боғлиқ
Мухолифатчи-намойишчилар вилоятларда ҳокимиятларни, яъни маҳаллий маъмурятлар жойлашган биноларни босиб олишни давом эттиришмоқда. Ҳозир Потава яна бир нгеча вилоятларда шундай бўлди. Русларнинг қалъаси ҳисобланадиган Харьков ва Донецкда ҳам кескинлик даражаси ортиб бормоқда.

Баъзи телеканаллар мухолифатчилар тарафидан ушлаб олинган ёшларни кўрсатишди. Улар ҳукумат тарафидан тайёрланиб, гўёки мустақил ҳаракат этувчилар сифатида намойишчиларга қарши очиқча курашаётгандилар. Улар телеэкранлар орқали Украина халқидан узр тилаб, 300 гривен учун сотилганларига пушаймон бўлдилар. Яъни, мамлакат тўла хаос ичида. Киевда милиция намойишларнинг Евромайдондан ташқарига ёйилиб кетишига йўл бермасликка кучи етмоқда, аммо намойишчиларни бутунлай тарқатиб юборишга кучи етарли эмас.

Мухолифатчилар банкларда очилган махсус ҳисобларга намойишиларни қўллаб-қувватлаш учун очиқча пул йиғмоқдалар. Киевда Миллий Қаршилик Штаби тузилди

Кўринишидан, яқинда мухолифатчилар мамлакатнинг катта қисмида назоратни ўз қўлларига оладилар, аммо ҳукуматни йиқита оладиларми, деган саволга жавоб йўқ. Ҳамма нарса армиянинг позициясига боғлиқ бўлиб қолаётганга ўхшамоқда. Армия ўз ҳукуматини ҳимоя қилмаса, мухолифат ғалаба қозонади.

Черниговда олинган расмда намойишчилар вилоят ҳокимиятини босиб олишга тайёрланмоқдалар. Баъзи намойишчилар орқа эшини бузиб, ҳокимият бироси ичига кирб олишгани ҳам хабарларда айтилмоқда.
« Олдинги хабар Хабарлар рўйхати Кейинги хабар »