08 May 2013
02:09 - Деновдан яна бир нохуш хабар: Халқ бахшиси Бобораҳим Маматмуродов оламдан ўтди

Кеча Денов шаҳридаги “Осиё” ресторанида Денов тумани ҳокилиги томонидан ташкил қилинган Хотира ва қадрлаш байрами нишонланаётган пайтда Ўзбекистон Халқ бахшиси Бобораҳим Маматмуродов юрак хуружидан вафот этди. Воқеа шоҳидларига кўра, халқ термаларидан намуналар айтиб, жойига ўтиргач бахши юрак хуружига учраган ва вафот этган.

Бахши 1938 йилда Деновда туғилган, халқ оғзаки ижодининг бахшичилик йўналиши бўйича воҳада танилган шахслардан бири эди. У ўтган йили Президент Фармонига кўра “Ўзбекистон халқ бахшиси” унвони билан тақдирланган. Бахшининг маъракаси борасида маълумот йўқ.
« Олдинги хабар Хабарлар рўйхати Кейинги хабар »