08 May 2013
01:49 - Деновда журналист Зойир Мамажонов вафот этди
Кеча Сурхондарё вилояти Денов туманида таниқли журналист, “Чағониён” газетаси бош муҳаррири Зойир Мамажонов вафот этди. 1987 йилдан бери “Чағониён” таҳририятига етакчилик қилган 64 яшар журналист буйрак етишмовчилиги хасталиги туфайли оламдан ўтган. У тушдан сўнг Деновдаги Алоуддин Аттор ҳузратлари дафн қилинган машҳур “Сармозор” қабристонида тупроққа берилди.

Зойир Мамажонов туман газеталари орасида республика миқёсига чиққан, ўткир танқидий чиқишлари билан танилган нашр муҳаррири, Ўзбекистонда хизмат кўрсатган журналист уновни соҳиби эди.
« Олдинги хабар Хабарлар рўйхати Кейинги хабар »