06 May 2013
00:22 - Истанбулнинг жомеларига кирадиган аёл туристларга мажбурий исломча кийим
Султонаҳмат ва Сулоймония каби тарихий жомиларга киришни истаган аёл туристлар 15 майдан бошлаб баданни оёқдан бошгача бекитадиган махсус кийим кийишлари шарт. Аввалари аёлларга фақат бошни ўраш шарти бор эди ва жомеларга кираверишда туристларга шу ерда ишлатиб, кейин қайтариб бериладиган рўмол бериларди. Афтидан, расмдаги аёлнинг устидаги оқ кийим 15 майдан бошлаб жомега кираверишда аёл туристларга таклиф қилинади. Унинг ишлатишни истамаган турист жомега киритилмайди. Расмда кўриниб турганидек, аёлларга ҳижоб ўратилмайди, халатнинг капюшони кийдирилади.

Бундай қарорни Истанбул Муфтилиги, Туризм ва Маданият Мудирлиги, Гидлар Бирлиги ва Истанбул Буюкшаҳар Ҳокимлиги биргаликда қабул қилишибди.

Шу пайтгача эркак туристлар жомеларга оёқ кийимларини ечиб киришарди. Ёзда кўпчлик пайпоқсиз бўлагани сабабли, улар жомеларга ялангоёқ кирардилар. Терлаган оёқларнинг ҳиди гиламларни ҳам ҳидли қилиб юборган. Бундан қутилиш учун гиламлар линолеум билан қопланмоқда.
« Олдинги хабар Хабарлар рўйхати Кейинги хабар »