06 April 2013
08:13 - Ўзбек эркаклар! Мардикорликка Россия ва Қозоғистонга эмас, Туркияга боринг, жинсий қобилиятингиз юксалади
Туркиянинг Қора денгиз бўйига чиқадиган Самсун вилоятининг Чоршамба туманидаги пляжларнинг қумида ётган одамнинг жинсий қобилияти жиддий ўлчовда юксалишидан ташқари, бу қумни қисир касаллигини ҳам даволашга ишлатиш мумкин экан.

Бу вилоят ҳокими Жонэр Юлдузнинг айтишича, бу пляжлардаги қум Қораденгиз қишлоқ хўжалик академияси олимлари тарафидан анализ қилинганда, унинг таркибидаги қўрғошин, темир, мис ва марганец бошқа пляжлардаги қумларга нисбатан 30-80 марта катта чиқибди. Айниқса марганец аввалдан ҳам жинсий касалликларни тузатишда ишлатиб келинар экан, охирги тадқиқотларнинг натижаларига кўра, марганец тана билан контакт қилган пайтида ҳам жинсий кучни ошириши маълум бўлибди. Энди, дейди Жонэр Юлдуз, қумларимизнинг бу сифатини реклама қилиб, туризмни янада ҳам ривожлантирамиз.

Ҳозир Туркия - Россия ва Қозоғистондан кейин ўзбеклар мардикорчиликка энг кўп борадиган мамлакатларнинг учинчисига айланаётганидан ўзбеклар унумли фойдаланса бўладиганга ўхшайди.

Вақти келгани учун айтиш керакки, "Бирлик" Партиясининг раиси Абдураҳим Пўлатнинг сай-ҳаракатлари билан Туркия сиёсатчилари ўзбекистонликлар учун Туркияга визасиз ва текинга кириш имкони берадиган қоида жорий қилинишига эришган эдилар. Аввал Туркияга кириш учун 100 доллардан ортиқ пул тўлаб виза олинарди. Мана энди у ерга бориб ишлашдан ташқари, жинсий потенциални ҳам ошириш имкони пайдо бўлмоқда.
« Олдинги хабар Хабарлар рўйхати Кейинги хабар »