09 December 2012
18:17 - Даҳшат: Туркияда 4 йилда 27 мингдан кўпроқ бола ғойиб бўлган
Бу мамлакатнинг 81 вилоятида олиб борилган тадқиқотларга кўрсатдики, дейилади турк матбуотида Давлат Статистик Кўмитасига асосланиб бугун тарқатилган хабарда, 2008-20011 йиллари ичида 27 мингдан кўпроқ бола ғойиб бўлган, уларнинг 16 мингга яқини қиз болалар. Ғойиб бўлганларнинг фақат 5 минг 974 нафари топилган.

Ғойиб бўлганларнинг 3 минг 227 нафари турли муассасалардан (етимхона каби муассасаслар назарда тутилмоқда, шекилли – “Ҳаракат”) қочибди, 12 минги эса уйидан.

Эълон қилинган рақамларнинг яна биттаси жуда даҳшат берувчи. Шу 4 йил ичида 676 минг болага нисбатан турли ишлар очилган (Жиноий иш ва шунга ўхшаганлар назарда тутилмоқда – “Ҳаракат”).

Айнан шу бугун Туркия матбуотида қочган қизлар ҳақида бошқа бир қизиқ хабар ҳам бор. Муғла вилоятида бир ҳафта олдин “Манекен бўлиш учун кетаяпмиз” деб уйидан қочган 4 қиз (расмда) бир ҳафтадан кейин полицияга келиб таслим бўлибди.
« Олдинги хабар Хабарлар рўйхати Кейинги хабар »