21 November 2012
22:51 - Гулнора тошкентликларни суннат қилмоқда
Бугун Тошкентда Гулнора Карим баковуллик қилаётган "1000 та тўй ва 1000 та суннат тўй" лойиҳасининг якуний босқичи бошланди. Фонд Форум, “Аёллар кенгаши”, “Меҳр нури” ва Ижтимоий ташаббусларни қўллаб-қувватлаш жамғармаси каби ташкилотлар томонидан ўтказилаётган акцияларда болалар хатна қилинади, ёшлар никоҳланади. 3 кун аввал Тошкент вилоятининг Бекобод, Ангрен, Чиноз, Паркент, Бўка, Қибрай, Олмалиқ, Янгийўл, Бўстонлиқ, Зангиота, Чирчиқ, Қуйичирчиқ, Ўртачирчиқ туманларида ўтган тўйларда 70 нафар келин-куёв оила қурди, 70 нафар ўғил боланинг қўли ҳалолланди.

Ҳозирга қадар жами 882 та тўй ва 1069 та суннат тўй ўтказилди, дейилади Фонд Форум томонидан тарқатилган хабарда. Пойтахтдаги икки кунлик тўйларда эса 70 та никоҳ ва 138 та суннат тўйлари ўтказилади.

“Foohosha” лақаби билан танилиб борилаётган Президентнинг қизи бизнесс одамларини ихтиёрий-мажбирий ҳомийликка зўрлаши натижасида янги оилаларга юмшоқ мебель тўпламлари, маиший техника, никоҳ узукларини совға қилинаётганини олқишлаш хато бўларди. Чунки, бундай ишлар ахир бир кун “Foohosha” учун нохуш натижаларга олиб келиши муқаррар.
« Олдинги хабар Хабарлар рўйхати Кейинги хабар »