23 October 2012
21:28 - Россия мухолифатининг Координацион Кенгаши сайланиши тарихий воқеа, энди тарихий натижалар керак
Россия ўтган йили парламент сайловлари вақтида бошланган норозилик намойишлари, Путиннинг режимини яхшигина силкитиб қўйди, аммо йиқитолмади. Бунинг асосий сабаби мухолифатнинг ҳали озчилик эканлигидаҳам эмас, тарихдан маълумки, муҳим сиёсий жангларни кўпинча айнан озчилик ютган, Россия императорлик мавеини йўқотаётганини тан олишни истамаган кўпчилик, у мавқени сақлаб қолишга ваъда бераётган Путинни қўллаб-қувватлаётганидадир.

Лекин, бу намойишларнинг камида яна бир ижобий натижаси бўлди. Сўнги дам олиш кунлари Россия мухолифатининг Координацион (Мувофиқлаштирувчи) Кенгаши (КК)сайланди. Сайлов асосан Интернет орқали, баъзи жойлардагина, масалан, Москванинг маркзий майдонларида қурилган чодирларда, сайловчиларнинг шахсан қатнашуви билан ўтди.

Сайловда қатнашиш учун 160 минг атрофида одам Интернет орқали рўйхатдан ўтган бўлса ҳам, амалда 82 мингдан озгина кўп одам қатнашган. Аслида, бу ҳам катта рақам. Бундан ҳам муҳими, бу - постсовет ҳудудларида ўтказилган биринчи шу каби сайловдир.

45 кишилик Координацион Кенгашнинг 30 нафари сайлов йўли билан танланди. Қолган 15 киши - мухолифат таркибидаги либерал, сўлчи ва миллатчи гуруҳларнинг ҳар биридан таклиф қилинган 5 ликлардан иборат.

ККнинг тўла аркиби қуйидагича бўлди:

Умумфуқаровий рўйхат

Навальный Алексей (расмда)
Быков Дмитрий
Каспаров Гарри
Собчак Ксения
Яшин Илья
Гельфанд Михаил
Чирикова Евгения
Шац Михаил
Ашурков Владимир
Гудков Дмитрий
Лазарева Татьяна
Пархоменко Сергей
Дзядко Филипп
Гудков Геннадий
Соболь Любовь
Немцов Борис
Романова Ольга
Кашин Олег
Илларионов Андрей
Удальцов Сергей
Кара-Мурза Владимир
Адагамов Рустем
Винокуров Александр
Кац Максим
Газарян Сурен
Албуров Георгий
Пионтковский Андрей
Мирзоев Владимир
Шеин Олег
Наганов Владислав


Либерал кучлар

Давидис Сергей
Пивоваров Андрей
Долгих Антон
Каретникова
Царьков Пётр

Миллатчи кучлар

Константинов Даниил
Артёмов Игорь
Бондарик Николай
Крылов Константин
Кралин Владлен (Владимир Тор)

Сўлчи кучлар

Гаскаров Алексей
Аитова Екатерина
Николаев Александр
Палчаев Аким
Развозжаев Леонид

Шу кунларда ККнинг биринчи мажлиси бўлади Ўша ерда мухолифатнинг стратегия ва тактикалари муҳокама қилинса керак. Мухолифа сиёсий маҳбусларни ҳимоя қилиш ва норозилик тадбирлари уюштиришдан бошлаб, сайлов қонунларини ўзгартириш ва охир-оқибатда ҳозиги режимни ўзгартиришгача бўлган муҳим вазифалар билан шуғулланиш ниятида.

Аммо, мухолифатнинг таркибан тарқоқлиги катта натижаларга эришиш йўлида тўсиқ бўлмайдими, деган саволга ҳали жавоб йўқ. Агар улар ростдан ҳам мувофиқлаштирувчи роль ўйнай олсалар, катта натижалар кутиш мумкин.
« Олдинги хабар Хабарлар рўйхати Кейинги хабар »