03 July 2012
23:26 - Украинада рус тилини ишлатиш кўлами кенгаяди
Ҳокимиятдаги руспараст Регионлар Партияси коммунистларнинг ёрдамида ойлардан бери олиб бораётган кураш бугун улар учун ғалаба билан битди. Мамлакат парламенти Радада рус тилининг кўламини ошириш тарафдорлари билан унга қарши бўлган мухолифат депутатлари ўртасида муштлашиш бўлиб турган пайтда овозга қўйиган қонун 248 овоз билан қабул қилинди. Қонун ўтиши учун керак бўлган минимал овоз сони 246 эди.

Бу қонунга кўра, бирон минтақада аҳолининг 10 фоиздан кўпроғини ташкил қилувчи қисмининг она тили украин тилидан бошқа тил бўлса, бу тил минтақавий тил деб қабул қилинади. Украинанинг 27 вилоятидан 13 тасида рус тилини она тилим деб ҳисоблайдиганлар 10 фоиздан кўпроқдир. Демак, қонун президент тарафидан имзолангач, 13 вилоятда рус тили феълан иккинчи давлат тили мақомини олади.
« Олдинги хабар Хабарлар рўйхати Кейинги хабар »