02 July 2012
22:15 - Ўзбекистонга келаётган АҚШ Конгрессининг делегацияси йўл-йўлакай Нурсултон Назарбой билан ҳам учрашдими?
Кеча АҚШ Мустақиллик куни муносабати билан бу мамлакатнинг Тошкентдаги элчихонасида анъанавий қабул маросими ўтказилди. Бу ерда нутқ сўзлаган элчи Жорж Крол Ўзбекистонга АҚШ Конгрессининг делегацияси келишини билдирди.

Бугун қозоқларнинг Казинформ агентлиги Президент Нурсултон Назарбой икки АҚШ конгрессмени Дэн Бертон ва Грегори Микс билан учрашганини хабар қилди. Ўта қисқа хабарга кўра, учрашув расмиятчилик учунгина бўлган.

Айнан шу икки конгрессмен Ўзбекистонга ҳам келадими ёки бизга бошқа делегация юбориладими? Икки кишини делегация дейиш бироз ножиддийлик бўлишини ҳисобга олсак, Тошкентга яна бир-икки конгрессменни қўшиб юборишса ажаб эмас.
« Олдинги хабар Хабарлар рўйхати Кейинги хабар »