11 April 2012
02:32 - Қирғизистон мухолифатининг Жалолободдаги митинги ҳукуматнинг истеъфосини талаб қилди, ўзбеклар кўринмайди
1 ва 31 март кунлари Ўш ва Боткентда митинглар ўтказган Қирғизистон мухолифати, тўғрироғи, жанубий қирғизлар, бугун учинчи митингларини Жалолободда ўтказишди. Митингда нутқ сўзлаган “Ота-Журт” партиясининг лидери Қамчибек Ташиевга кўра, шаҳарнинг марказий майдонига 40 мингдан ортиқ одам тўпланган. Табиий, агар у ҳақ бўлса, бу жуда катта намойишдир.

Митингчиларнинг асосий талаби - аввалги митингларда ҳам бўлгани каби - ҳукуматнинг истеъфосидир.

Ҳукумат шимолликлар қўлида бўлгани сабабли, шимол-жануб қирғизларининг қарама-қаршилиги 2010 йилдан кейин яна юқори нуқтага чиқмоқда. 2010 йилда шимолий қирғизлар ўзбек жамоаси лидерларини аҳмоқ қилиб ишлатиб, ўзбеклар қони устида жанубий қирғизлар билан бирлашишганди. Умид қилиш керакки, Қирғизистон жанубида кўпчиликни ташкил қилувчи ўзбеклар энди кимларнингдир ўйинчоғига айланишмайди. Аксинча, ўз сиёсатларини олиб боришади, муҳим бўлгани, сиёсий маънода ташкилотланишни бошлашади.
« Олдинги хабар Хабарлар рўйхати Кейинги хабар »