17 March 2012
15:27 - АҚШда масжидларнинг сони 1200 дан 2100 га чиқди, битмаган муаммолар кўп
2000 йили АҚШда 1200 масжид бор эди, 2011 йилга келиб, уларнинг сони 2100 бўлди, дейилади Мсулмон ташкилотлари ва тадқиқот институтларининг коалицияси номидан шу йил 29 февралда Вашингтондаги Миллий Матбуот Клубида қилинган тақдимодда.

Бу ҳақда хабар берган Вашингтон шаҳри ва Мэриленд ҳамда Виргиния штаталари мусулмонларининг 2 ҳафтада бир марта чиқадиган 48 саҳифали ва текинга тарқатиладиган The Muslim Link газетасига кўра, масжидларнинг фақат 3 фоизида бир миллатга оид мусулмонлар жамоаси бирлашган.

Мусулмон жамоалари кўп миллат ва кўп маданиятли эканлиги, тажриба камлиги ва бошқа сабаблaр туфайли масжидлар атрофида мусулмонлардан йиғилган пулларни қандай ишлатишдан тортиб, қандай номоз қилишгача бўлган масалаларда баъзида жанжалларга айланиб кетадиган муаммолар бор. Газетада бир қатор диний уламолар ва мутахассисларнинг бу муаммоларни тоқатли йўллар билан ечиш бўйича умумий шаклдаги маслаҳатлари ҳам берилган.

Бирлик-баробарлик йўқлигини рамзий шаклда кўрсатиш учун бўлса керак, бу мавзудаги мақола бир масжид фотосуратининг иккига бўлинган қисмлари ўртасига жойлаштирилган.
« Олдинги хабар Хабарлар рўйхати Кейинги хабар »