13 March 2012
02:04 - Бу сенсация эмас: Қозоқларнинг президенти яна ғойиб бўлди
Давлатнинг расмий ахборот агентликлари ҳар куни ўз президентларининг кундалик сиёсий фаолиятига оид камида 3-4 та хабар берадиган Қозоғистонда, 7 мартдан бери Нурсултон Назарбой кўринмайди. У ўша куни хотин-қизлар байрами олдидан бир гуруҳ аёлларни қабул қилганди. Масалан, Казинформ агентлигининг бош саҳифасини бошида ҳали ҳам ўша учрашув ҳақидаги хабар ва учрашувда олинган расм турибди.

Ваҳоланки, Қозоғистонда нафақат давлат раҳбари, балки иккинчи-учинчи даражали раҳбарларнинг фаолиятига доир хабарлар мунтзам бериб борилади. Масалан, бугун Қозоғистон ташқи ишлар вазирининг ўринбосари Амангелди Жумабаев Бокуга кетгани хабар қилинган.

Ўзбекистонда вазир ўринбосари ёки вазирнинг ўзини кўйиб туринг, Бош вазир Шавкат Мирзиёнинг нима қилаётгани ҳақида хабар бўлмайди, унинг расмини кўрсатиш тақиқланган. Ҳар замонда кўриниб турадиган Президент Ислом Карим ғойиб бўлиб қолса, ҳеч ким эътибор ҳам бермайди.

Қозоғистонга қайтсак, табиий, Нурсултон Назарбойнинг ғойиб бўлиши тасодий бўлмаса керак. Бир неча ой аввал ҳам шундай бўлганди. Кейин маълум бўлишича, уни Германияда операция қилишган экан. Яна шунга ўхшаш бир нарса бўлгандир.
« Олдинги хабар Хабарлар рўйхати Кейинги хабар »