13 December 2011
07:14 - Dow Jones индексининг Европадаги хабардан хурсандлиги узоққа чўзилмади
Ҳа, айнан шундай бўлди. Ўтган жума куни ЕИ лидерларининг Буюкбританиясиз бўлса ҳам, еврозонани мустаҳкамлаш хусусида қарор қабул қилишлари Dow Jones индексининг 187 поғанага (1.56%) юксалишига сабаб бўлганди.

Хушхабардан бош айланган Dow Jones индекси ҳафта сўнггидаги дам олиш кунлари дўпписини ерга қўйиб, вазиятни қайтадан таҳлил қилди, шекилли, Европада ҳамма нарса тезда яхши бўлиб кетади, деган фикрдан воз кечди ва бу ҳафтанинг бошида ўзини бошқача тутди.

Хуллас, кеча Dow Jones 162 поғанага (1.33%) тушиб кетди. Энди унинг қиймати 12022 га тенг. У ҳали ҳам 12 мингдан юқори эканлигига хурсанд бўлиб туриш керакка ўхшайди.
« Олдинги хабар Хабарлар рўйхати Кейинги хабар »