24 November 2011
07:45 - Марказий Осиёда сув тошқинлари муаммоси бўйича семинар нимагадир Бокуда бўлади
Озорбайжон матбуотидаги хабарга кўра, 24-25 ноябрь кунлари Бокуда Марказий Осиёда тошқинлар хавфини камайтириш масалаларига бағишланган семинар ўтказилади. Семинар Озорбайжон Фавқулодда Ҳолатлар Вазирлиги томонидан БМТнинг Осиё ва Тинч океани бўйича Иқтисодий ва Ижтимоий Программаси доирасида ташкил қилинган. Семинарнинг мақсади унинг номида кўрсатилган масалалар бўйича тажриба алмашиш.

Хўш, нима учун бундай семинар, масалан, Тошкентда ўтказилмайди, деган савол туғилиши ўз-ўзидан тушунарли. Шундай қилинса, унга тожик ёки қирғиз мутахассислари келмайдиларми? Балки, шундайдир.

Аммо, Бокуда бу хабарга қўйилган расмга қаранг. 20 йил ичида таниб бўлмайдиган даражада ўзгарган Бокунинг маркази Нью-Йорк манзараларини эслатмайдими? Тошкентда мустақилликнинг биринчи йилларида қурилган бир нечта баланд қаватли бинодан бошқа нарса йўқ-ку. Семинардан мақсад – Марказий Осиёдан келадиган мутахассисларга Бокуни ҳам кўрсатиш, мустақиллик ва Ислом Карим сизларга нима берди ўзи деб, ўзбекларнинг жиғига тегиш ҳам эмасми?
« Олдинги хабар Хабарлар рўйхати Кейинги хабар »