(Суз боши урнига) - Эврил Турон фожеаси
Тугрисини айтса, авваллари «Шарк Юлдузи» журнали билан унча ишим йук эди. Москвада укиб юрган вактимда, утган асрнинг 60-чи йиллари, биз Москва Энергетика Институтининг узбек талабалари Юнусободлик Рихсибой Жураев бошчилигида узимизни ута миллатсевар, балки миллатчи хис килар, хатто Узбекистоннинг мустакиллиги учун курашни Тошкент Марказий Универмагининг томида жойлашган ва уша йиллари жуда машхур булган «Ветерок» кафесининг урисча номини уриб туширишдан бошласак, сигнал кутиб турган узбеклар мустамлакачиликка карши кузголон бошлайдилар, деган тушунча билан яшардик. Бизнинг бу йуналишдаги эхтиёжларимизга энг якини эса факат «Узбекистон Маданияти» газетаси булиши мумкин, деб хисоблаб, аслида бу хам уша Рихсибой аканинг гояси булса керак, бу газетага Москвадан туриб обуна булгандик ва уни бироз кеч булса хам почта оркали олиб укирдик.

Нима учун «Узбекистон Маданияти»?

Хархолда, миллатни миллат килувчи унсурлардан бири, табиий, тил билан биргаликда, маданият эканлигини ички туйгумиз айтиб турган булса керак. Хамма совет нашрлари каби бу газета хам коммунистларнинг сохта интернационализм рухи билан сугорилган булса-да, уз номидан келиб чикиб, миллатнинг энг нозик масалалари биланн озми купми илгиланишга (Туркия туркчасидаги бу сузни биз узбеклар купрок ишлатадиган ва расмиятчилик хиди келиб турадиган «шугулланиш» сузига нисбатан хуш кураман) мажбур эди. Биз уни шу сабабли укирдик. Кейинчалик бу газета номини «Узбекистон санъати ва адабиёти» деб узгартирди ва балки машхур «Литературная газета»нинг таъсири остида, маълум бир муддат, жамият муаммоларини узида акс эттирувчи севимли нашрга айланди. Демокчиманки, Москвадан кейин хам маданият ва адабиёт масалаларини шу газета оркалигина таъкиб килардим.

Шу сабабли, 80-чи йилларнинг охирларида «Шарк Юлдузи» журналининг бир нечта сони кулимга тушиб колиши мутлако тасодиф булган. Уларни вараклаб туриб бир романнинг парчаларига дуч келдим ва уни укишга бошладим. Укидиму бироз хайрон булдим, чунки менинг тушунчам буйича, совет нашриётида чоп этилиши мумкин булмаган рух бор эди у ерда. Яъни цензура утказмаслиги керак булган нарсалар. Хамма нарса цензуранинг, демак, совет идеологияси рахнамоларининг рухсати билангина чикишини билганим учун «бундан чикди, энди бундай нарсаларни ёзиш мумкин булибди, Сталиннинг улими билан бошланиб жуда секин булса хам хар холда ривож топаятган жамиятдаги эркинлашиш жараёни давом этаяпти», деб хурсанд булиб куйдим ичимда.

Аммо, бир оз вакт утгандан кейин Узбекистон Компартияси Марказий Комитетининг пленумида уша пайтдаги Марказкомнинг идеология буйича секретари Салимов бу романни «дабдаласини чикариб» танкид килгани, романни миллатчилик асари деб эълон этгани ва шу каби айбномаларни газеталардан ургандим. Роман идеологиямиздаги узгаришлар туфайли эмас, цензуранинг «айби» билан журнал сахифаларига утиб кетгани хам аён булди.

Балки, айнан шу плениум материаллари туфайли уша роман муаллифининг исми хотирамда яна хам чукуррок жойлашди. Асар муаллифининг исми Мамадали Махмудов, асар эса «Улмас коялар» романи эди.

Уша пайтда, вакти келиб Мамадали билан якиндан танишаман, унинг келажакдаги фожеаларига кайсидир маънода шерик буламан, деб хеч уйламаганим табиий. Аммо хаёт бизни якинлашиш нуктасига олиб келятган экан.

«Бирлик» тузилган кундан эътиборан менинг куп вактим Узбекистон Ёзувчилар Уюшмасининг Пушкин кучаси, 1-уйдаги биносида утарди. Уша кунларда куп янги одамлар катори Мамадали билан танишдик. У хеч шубхасиз узининг «Улмас коялар» романида акс эттирилган рухнинг сохиби эди, бу рух миллатсеварликдан хам купрок миллатчиликни эслатарди. Бу ерда дархол изох беришим керак, мен миллатчиликни совет пропагандасига ухшаб «миллат айириш, бир миллатни улуглаб, иккинчисини ерга уришдан иборат булган реакцион буржуа идееологияси» сифатида курмайман. Миллатчилик хамма миллатларга хос булган гоя. Лекин жамиятнинг тараккиёти, сунгги асрларга хос булган миллатлараро алокаларнинг юксак даражага кутарилиши бу гоя тарафдорларини маргиналлаштириб, яъни уларнинг куламини кун сайин торайтириб бормокда. Буни объектив ва ижобий жараён, деб биламан.

Нима булганда хам, Мамадали Махмудовдек одамнинг «Бирлик»да булиши, уша кунларнинг реалликларидан келиб чикадиган энг табиий нарса эканлигини айтиб утириш ортикча. Узбек тилига давлат макоми бериш талаби билан уюштирилган митингларимизда хам Мамадали хар замон биз билан бирга булди. Унинг ёшлар, биринчи навбатда талабалар ичидаги обруси хам митингларга талабаларни жалб этишда мухим роль уйнади.

«Бирлик»нинг Таъсис Курултойидан кейин 3 ой утар утмас унинг ичида «кизик» вокеалар була бошлади. Унинг тузилишида хеч шубхасиз асосий роль уйнган ёзувчиларнинг купчилиги тусатдан (бунинг тусатданлиги жуда мухим) ва хеч бир тузукрок рукач курсатмасдан «Бирлик»ни коммунистик режим билан хамкорлик килиш йулига бошламокчи булдилар. Мавжуд шароитда бу коммунистларнинг кули остида ишлашга утиш булар эди. Мохияти билан антикоммунистик, максади коммунистик-колониал режимни тугатиш булган ташкилотнинг коммунистлар билан «хамкорлик» килишдек мантиксиз кадамини хам акли хам калби билан тушуниб етганларнинг ичида Мамадали Махмудов хам бор эди.

Узбекистоннинг сиёсий тарихида из колдирган уша кунларда Мамадали билан рухан яна хам якинлашдик. Зотан унинг фожеаси уша кунларда бошланган эди.

кандай фожеа?

Мамадали уша кунлари менга кайта-кайта айтган гапларини яхши эслайман: «Мухаммад Солих энг якин дустларимдан бири. Биз у билан мустамлакачиларга карши курашишни орзу килардик. Хозир унинг айнан уша мустамлакачиларнинг хизматкорлари билан хамкорлик килиш ниятига каршиман. Узига хам буни айтаяпман. Фойдаси булмади. Лекин дустимга очик карши чиколмайман. Аммо мен унинг гурухига кушилмаганимнинг узи – унга сигнал булиши керак».

Унинг «Бирлик»ни булиниш мажлисидан кейинги кунларнинг бирида айтган куйидаги хикояси хам аник эсимда: «1-2 кун аввал Одил Ёкубов (у киши Ёзувчилар Уюшмасининг раиси, Мамадали эса ташкилий ишлар буйича Котиб эди. – А.П.) билан Уюшманинг ишларини гаплашиб утиргандик, даргазаб булиб Мухаммад Солих кириб келди ва Одил акага ташланди

- Нима учун Абдурахм Пулатов ва унинг тарафдорлари Уюшма биносига хали хам киритилмокдалар. Пастдаги вахтер «Мен раисдан буйрук олмадим деяпти, менинг гапимга кулок солмаяпти. Керакли буйрукни беринг. Бу юкоридагиларнинг хам истаги, биласиз.

- Куябер, юкоридагилар олдида узим жавоб бераман. Уюшма хеч бир замон бировга эшигини беркитмаган. Келиб келиб энди беркитадими? Сен узингни ишингни килабер. Бундай нарсалар билан КГБ шугулланади. Керак булса, улар истаганларини килоладилар, - дея жавоб берди Одил ака.

- Яхши. Сиз КГБ дедингиз. Хозир у бу иш билан шугулланади, - деган Солих эшикни тараклатиб ёпиб чикиб кетди.

Беш дакика утар утмас, КГБдан Уюшмамизга кураторлик киладиган одам телефон килиб, Одил акадан Уюшмага бегоналарнинг киритилмаслигини талаб килди. Раис хеч качон буни килмаслигини айтгач, унга бир нарсалар дейишди. Одил ака телефон трубкасини куйиб куяркан менга караб, узлари милиция пости куйишмокчи, деб куйди мунгли охангда. Эртаси куни Ёзувчилар Уюшмасининг тарихида биринчи марта кираберишда милиция пости пайдо булди».

Менинг узим хам бундай постнинг пайдо булганини гувохиман, уша кунги вокеаларни яхши эслайман. Чунки, Одил акани мунгли булишга мажбур килган бу вокеа кейин комедияга айланиб кетганди. Пост пайдо булганини хам билмасдан Уюшмага келган захотим, постда турган милиционер мендан суюнчи олди: «Абдурахим ака, бизни бу ерга Сизни киргазмаслик учун куйишди. Лекин биз хам узбекмиз. Осмон кулларида булса, ташлаб юбораколишсин, Сизни хеч ким бу ердан оркага кайтармайди. Биз буни келишиб олдик». Уларнинг хакикатда келишиб олганларига шубхам йук. Чунки, булгуси «Эрк»чилар «Бирлик»ка карши бузгунчилик бошлаятган кунларида, хатто Тошкентдаги милициянинг Олий мактабида «Бирлик»нинг таянч нуктасини тузиш учун харакатлар бошланганидан хабарим бор эди...

Хуллас, Мамадалининг фожеаси шу тарика бошланганини тушуниш лозим. У узининг собик фикрдошига, унга дуст булгани учун карши чикишни узига эп курмас, айни замонда, бу дусти аввалги гояларини оёк ости килиб, узининг кечаги хамкорларига карши курашда хукуматни куйиб туринг, хатто КГБнинг ёрдамини олишдан хам ирганмаётганини куриб турарди.

Бир оздан кейин у Уюшадаги вазифасидан кетди ва Узбекистон Маданият фондига директор булди. Хар замонда куришиб турсак хам, орамиз анча узоклашди.

1992 йилнинг охирида мен Узюекистонни тарк этишга мажбур булдим. Аввал Бокуда кейин Истанбулда яшадим. 1994 йилнинг бошларида Мамадалининг уйига кимдир узи йуклигида бир боглам «Эрк» газетасини ташлаб кетгани, уни камашгани, аммо охир-окибат Маданият фондидаги кандайдир етишмовчиликларни бахона килиб уни, янглишмасам, 5 йилга озодликдан махрум килишганини узокдан кузатиб турдик. Кейинчалик халкаро микёсда унинг масаласини давомли кутариб, кулимиздан келганча озод килиниши учун харакат килдик. Нихоят, у 1996 йилнинг урталарида озод булди.

Бу вокеа атрофидаги хамма нарсани ёзишга на вактим на бу сахифада етарлича жой бор. Лекин мен уша йиллариёк аник бир фикрга келганман. 30-чи йиллардаги оммавий катагонларнинг асл сабабчиси Сталиннинг сиёсати булган, лекин жойларда бу сиёсатдан фойдаланган одамлар баъзи холларда уз шахсий душманларини ёки йулларида тусик булятган кишиларни йук килишган. Миллий ва диний масалаларга ёндошуви буйича бошка ёзувчилардан деярли фарки булмаган Кодирий ва Чулпон кабиларни уз касбдошлари йук килганлари каби, Каримовнинг сиёсатидан фойдаланган ва унинг саройида жойлашиб олган ёзувчиларнинг узлари узларига душман деб билган Мамадали Махмудовдан касд олишди ва уни каматишди. Мамадали бу сарой ёзувчиларининг катта кисминининг миллати узбек эмас, деб юрганини купчилик билади. Пиримкул Кодиров эса, узини Мамадали билан хисоб-китоб килишга хакки бор деб хам хисоблайдиган одам...

Нима булса хам, Мамадалининг озод булишидан жуда хурсанд булдим. Узи билан хеч булмаса телефонда гаплашишни истадим, аммо дустларимиз унинг шахар марказидаги квартирасидан кучиб кетгани ва янги ховлисида телефон йуклигини айтишди. У энди узига Эврил Турон тахаллуси олганини хам уша пайтда эшитгандим.

1997 йил 26-29 август кунлари Туркиянинг Измир шахрида «Турк Халклари Ассамблеяси» номли ташкилотнинг навбатдаги Курултойи утказиладиган булди. Унинг ташкилотчилари ичида булганимдан фойдаланиб, Узбекистондан уша пайтда мухолифатда булган Шукрулло Мирсаидов билан бирга Мамадали Махмудовни хам таклиф килдим. Узлари билан шахсан гаплашиш ниятида Васила Иноятовадан бу икки кишини белгиланган кун ва вактга уз уйига чакириб келишни сурадим.

29 июль куни, архив хужжатларимга кура Истанбул вакти билан кеч соат 5да, Василанинг уйига телефон килганимда, Шукрулло ака ва Мамадали уша ерда эдилар. Аввал Шукрулло ака кейин Мамадали билан гаплашдим. У салом хам йук, алик хам, деганларидек «Мен Истанбулга борсам, биринчи булиб Мухаммад Солихнинг соткинлигини фош киламан», дея хаяжон билан гапира бошлади. «Мамадали, куйинг у эски гапларни. У бола килгуликлари учун насибини олиб булди», дедим. «Йук, - давом эттирди Мамадали, - сизлар билмайсизлар хали. Солих аввал «Бирлик»ни Каримовга сотган булса, энди хаммамизни русларга сотмокчи». Унинг охирги сузларини мохиятини уша пайтда тушунганим йук. Кейинчалик улар Истанбулга келишолмади хам, хукуматдагилар уларга Узбекистондан чикиш визаси беришмапти. Лекин мен бу сухбат эсимга тушса, Мамадали нимани назарда тутганди, деб хайрон булиб куярдим.

1999 йил Тошкентдаги февраль портлашларидан кейин Мамадали яна камалгач, Узбекистон хукумати тарафидан тайёрланган хужжатлт фильмда Мамадалининг айтганларини эшитиб, гап нимада эканлигини тушундим. Маълум булдики, Мамадали мен билан телефонда гаплашишдан бир оз илгари Киевда «Эрк» раиси билан учрашган ва у Узбекистон режимига карши курашиш учун рус шовинисти генерал Лебедь билан хамкорлик килиш йулига утганини эшитган. Мамадали Россиянинг кузга куринган сиёсатчиси билан килинадиган бундай хамкорлик бекорга булмаслигини тушунмайдиган даражада содда одам эмас. Шундай экан унинг хужжатли фильмдаги - «Мухаммад Солихнинг гапларини эшитиб, яна куллик эканда, дедим», сузларини ростдан хам айтганига шубха йук.

Хуш, у менга «Эрк» раисининг ниятини соткинлик, деб бахолагани ва уни фош этишга тайёрланаётганини, шубхасиз, органлар томонидан тингланадиган Василанинг телефони оркали гапирган экан, нима учун хозир унинг бу курсатмалари кийноклар остида олинди, дейилмокда?

Бу Мамадали Махмудов – Эврил Туроннинг 1989 йилда бошланган фожеасининг давомидир. У ушанда дустининг сиёсий соткинлигини узига сингдиролмаса-да, дустидан воз кечмасликни афзал курганди. Энди у собик миллатчи дустининг миллатга нисбатан соткинлигини фош килишга тайёр, аммо буни йиллардир жирканчлик тимсолига айланган собик КГБ ходимлари воситаси билан килишни истамайди ва тугри килади. Мана сизга машхур «жодуланган халка»нинг амалдаги мисоли.

Фожеани яна хам чукурлаштирувчи унсурлардан бири шуки, Эврил Турон энди собик дустини миллат манфаатларидан келиб чикиб уз ихтиёри билан фош килса хам, юкорида номи тилга олинган саройдаги примми ёки оддий куллар бугунги мавкеларидан фойдаланиб, узбекнинг асл фарзандини сог колдирмаслик ниятида эканга ухшайдилар.



Абдурахим Пулат

2002 йил, апрель