21 November 2011
22:28 - “Маърифат маркази”нинг ишга тушиши 110 нафар маърифатчини тирикчиликдан маҳрум қилди
Шу йилнинг 16 ноябрь куни Президент Ислом Карим томонидан очилган “Маърифат маркази”нинг ишга туширилиши 110 нафар маърифат фидойисининг ишсиз қолишига сабаб бўлибди. Яъни, марказга кўчиб келган Алишер Навоий номидаги Ўзбекистон Миллий кутубхонасига 110 та иш ўрнини қисқартириш буйруғи келган.

Марказ замонавий компьютерлашган тизимга эга бўлгани боис энди кўпчилик кутубхоначиларга бу ерда эҳтиёж йўқ. Миллий кутубхонанинг 200 га яқин эски ходимларидан атиги 80 нафари қолса етарли.

Ҳозирги кунда қисқартирилган иш ўринлари ҳисобига саралаш босқичи бормоқда. Кутубхона директори, филология фанлари номзоди Абсалом Умаров бир неча йиллар бирга ишлаган ҳамкасблари иш ўрнини қисқартиришдан хижолатда, дейди мухбиримиз.
« Олдинги хабар Хабарлар рўйхати Кейинги хабар »