07 October 2011
01:52 - Туркий давлатлар махсус хизматларининг XIV йиғилиши Бокуда бўлди
Кеча расмий номи “Туркий тилли давлатлар махсус хизматларининг Конференцияси” деб аталган ташкилотнинг XIV йиғилиши Озорбайжоннинг пойтахти Бокуда бўлиб ўтгани бу мамлакатнинг хабар агентликлари тарафидан билдирилди. Унда Озорбайжон, Туркия, Қозоғистон ва Қирғизистон давлатларининг делегациялари иштирок этишибди. Делегация раҳбарлари Озорбайжон президенти Илҳом Алиев томонидан қабул қилинган.

Кузатувчи сифатида Россия, Украина ва Гуржистон делегациялари иштирок этишган.

Йиғилиш қатнашчилари кўпчилик давлатлар учун хавф-хаттар ўчоғига айланган терроризм, диний экстремизм, назоратсиз ҳудудлар каби масалаларга умумий позиция ишлаб чиқариш учун ҳаракат қилишибди.

Ўзбекистон ва Туркманистон вакиллари нима учун йиғилишда йўқлиги, уларнинг аввалги йиғилишларда иштирок этиб-этмагани хабарда тилга олинмайди.
« Олдинги хабар Хабарлар рўйхати Кейинги хабар »