30 September 2011
23:46 - Элёр Ғаниевнинг Ҳиллари Клинтон билан учрашуви икки мамлакат президентларининг телефон суҳбати соясида қолди
АҚШ Давлат Котиби Ҳиллар Клинтон кеча ўзининг Жанубий ва Марказий Осиё масалалари бўйича ёрдамчиси Роберт Блейк иштирокида Ўзбекистон Ташқи ишлар вазири Элёр Ғаниев билан учрашгани ҳақида тафсилотли хабар йўқ. Давлат Департаментининг сайтида икки вазир учрашув олдидан бир-бирларига бир жумлали ташаккур билдиришаётганини кўрсатувчи видео-лавҳани эълон қилган, холос. Бу лавҳани кўрган одамда Элёр Ғаниевнинг, қўпол сўз ишлатмаслик учун шундай дейлик, ташқи кўринишиёқ ижобий ҳис-туйғу уйғотмаслиги аниқ.

АҚШ-Ўзбекистон муносабатлари нуқтаи назаридан вазирлар учрашуви эмас, ўтган куни Барак Обама Ислом Каримга телефон қилгани муҳимдир. Вазирлар учрашуви президентлар телефон суҳбатидан аввал бўлганда эди, бошқача хулосалар қилсак бўлади.

Президентлар телефон суҳбатнинг тафсилотлари ҳам маълум эмас. Аммо, Обама Ислом Каримдан ўзи истаган натижаларни олишини аввалдан билмаса, унга ҳеч қачон телефон қилмаган бўларди.
« Олдинги хабар Хабарлар рўйхати Кейинги хабар »