10 September 2011
02:56 - Dow Jones индекси Обамага ҳурмат кўрсатмасдан ўпирилди
Кеча АҚШ Конгрессида оташин нутқ сўзлаган президент Барак Обама мамлакат иқтисодини жонлантириш учун $447 миллиардлик план таклиф қилгандан кейин, фондлар бозорининг асосий кўрсатгича бўлган Dow Jones индексининг бугун ортиши кутилган эди. Аммо, бўлмади.

Dow Jones АҚШ президентига очиқда-очиқ ҳурматсизлик кўрсатиб, шу дақиқаларгача 314 поғана (-2.48%) пастга шўнғиди. Ҳозир унинг абсолют миқдори 10982 атрофида.

Уолл-Стритдаги Нью-Йорк биржасининг ёпилишига 3 соат бор. Кўрамиз, унгача Dow Jones яна нима каромат кўрсатади.
« Олдинги хабар Хабарлар рўйхати Кейинги хабар »