24 May 2011
02:28 - Ислом Каримнинг ўзи Кремлга сим қоқди
Бугун телефон орқали Россия режимининг қўғирчоқ раҳбари Дмитрий Медведов билан гаплашган Ислом Карим ики тарафлама ҳамкорликни кучайтиришга оид маслаларни кенгашибди. Ўрисларнинг бир қатор оммавий ахборот воситалари сўзлашув ташаббускори Ислом Карим эканини урғуламоқда. Кремлнинг матбуот хизмати Ўзбекистон Президентининг Медведов билан яқин келажакдаги стратегик ҳамкорлик ҳақида гвплашганини урғуламоқда.

Афтидан, Ислом Карим Ҳиндистон сафари ҳақида“Лукойл” ширкати раҳбари Вагит Алекперов орқали Москвадаги хўжайинларига берган ҳисоботидан ўзи ҳам қониқмасдан, тўғридан-тўғри гаплашиш ҳам керак деб ўйлаган. Россия ўз ҳудудларидан америкаликларнинг Афғонистонга юборадиган юклари ҳажмини оширишга рози бўлгани, демак, Ўзбекистон ҳам бунга рози бўлиши кераклигида Ислом Каримга кўрсатма ҳам берилган бўлса керак. У яқин келажакдаги стратегик ҳамкорлик ҳақида гаплашиш учунгина Медведевга боғланганига ишонадиган одамни топиш қийин.
« Олдинги хабар Хабарлар рўйхати Кейинги хабар »